निजि श्रोतका शिक्षकको मागप्रती बैतडीका स्थानीय तहले गम्भिर बन्नुपर्ने भन्दै ज्ञापनपत्र

प्रदेश समाचार

Home
प्रदेश समाचार
निजि श्रोतका शिक्षकको मागप्रती बैतडीका स्थानीय तहले गम्भिर बन्नुपर्ने भन्दै ज्ञापनपत्र

निजि श्रोतका शिक्षकको मागप्रती बैतडीका स्थानीय तहले गम्भिर बन्नुपर्ने भन्दै ज्ञापनपत्र

बैतडी,

सामुदायिक बिद्यालय निजि श्रोत संगठन जिल्ला कमिटि बैतडीले प्रमुख जिल्ला अधिकारी र जिल्ला समन्वय समिति उपप्रमुख समक्ष ज्ञापन पत्र पेस गरेका छन् । निजि श्रोतमा काम गर्दै आइरहेका शिक्षकहरुका मागप्रती स्थानीय तह गम्भिर नभइरहेको भन्दै उनिहरुले ज्ञापनपत्र मार्फत ध्यानाकर्षण गराएका हुन् ।
जिल्लाका स्थानीय तहहरुले निजि श्रोतमा कार्यरत शिक्षकहरुको करार अवधि नथप्ने र उचित व्यवस्थापन समेत नगर्ने मनसाय बनाएको हुनाले पालिकाका जनप्रतिनिधिहरुलाई ध्यानाकर्षणको लागि माग गरेका हुन् । नयाँ आर्थिक वर्षबाट केहि पालिकाले अध्यापन अनुमतीपत्र नभएका शिक्षकहरुलाई हटाएका छन् भने अध्यापन अनुमती पत्र प्राप्त निजि श्रोतका शिक्षकहरुको पनि उचित ब्यवस्थापनका लागि कुनै निर्णय नगरको भन्दै उनिहरुले आपत्ती जनाएका छन् ।
दरबन्दी अनुसारका शिक्षक अभाव भएको अवस्थामा निजि श्रोतका शिक्षकहरुको भुमिका महत्वपुर्ण रहदै आएपनि स्थानीय सरकारले आफुहरुको माग सम्बोधनमा चासो नदिएको बताइरहेका छन् । निजि श्रोतका शिक्षकहरुको ब्यवस्थापनका लागि यहाका पालिकाहरुले ठोस निर्णय नगरेकोखण्डमा तालाबन्दी देखि सडक बन्दको समेत आह्वान गरिने उनिहरुले ज्ञापनपत्र मार्फत चेतावनी दिएका छन् ।
सामुदायिक विद्यालय निजि श्रोत शिक्षक संगठनका जिल्ला कमिटि अध्यक्ष धनिराम वड, जिल्ला वरिष्ठ उपाध्यक्ष लक्ष्मी शाह चन्द, जिल्ला महासचिव राजेन्द्र बिष्ट र जिल्ला सचिव जयराम धामीद्धारा हस्ताक्षरीत ज्ञापनपत्र प्रमुख जिल्ला अधिकारी सुरेश पन्थी र जिल्ला समन्वय समिति उपप्रमुख दमन कुवँरसमक्ष ज्ञापन पत्र पेस गरेका हुन् ।

प्रकाशित मिति: सोमबार, साउन ९, २०७९ १६:५९

प्रतिक्रिया दिनुहोस्