बैतडी
बैतडीको पाटन नगरपालिकाका २ वटा विद्यालय एक तारे विद्यालय घोषणा गरिएको छ । वडा नं १० मा रहेको कालिका मावि मटे र वडा नं ८ को सिद्धदीप आधारभुत विद्यालय एक तारे विद्यालय घोषणा गरिएको हो ।
युनिसेफ र रुडेस बैतडीको आर्थिक तथा प्राविधिक सहयोग र पाटन नगरपालिकाको समुन्वयमा खानेपानी सरसफाई तथा स्वच्छता प्रवर्दन कार्यक्रम अन्तरगत एक तारे विद्यालय घोषणा गरिएको हो । सोहि कार्यक्रमबाट एक तारे विद्यालय घोषणा गरिएको हो । १० वटा सुचकको आधारमा मापन गरी एकतारे विद्यालय घोषणा गरिएको हो ।
खानेपपानी, शौचालय, सफा स्वच्छ हरियाली वातावरण, खानाको स्वच्छता, महिनावारी स्वच्छता व्यवस्थापन सुविधा, स्थनपान व्यवस्था र दिगोपना विपद जोखिम व्यवस्थापन, अनुगमन तथा जवाफदेहिता लगायतका १० वटा सुचकको आधारमा वर्गीकरण गरी तारे विद्यालय घोषणा गर्ने गरिएको रुडेस बैतडीले जनाएको छ ।
बालमैत्री धारा, विद्यालयको सरसफाई, खानेपानीको सुबिधा लगायतका सुचकहरुबाट विद्यालयलाई एक तारे देखि तीन तारे सम्मको विद्यालय घोषणा गरिदै आएको छ । आजको कार्यक्रममा पाटन नगरपालिकाका नगर उपप्रमुख कमल बोहरा, वडा नं ८ का वडा अध्यक्ष एवं पाटन नगरपालिकाको समाजिक विकास समिति संयोजक हरिश बिष्ट, वडा नं १० का वडा अध्यक्ष धनबीर कुवँर, दुबै विद्यालयका विद्यालय ब्यवस्थापन समितिका अध्यक्ष, प्रद्यानाध्यापक, पाटन नगरपालिकाका वास अनुगमन समितिका सदस्य दीपक प्रशाद पन्त, वास अनुगमन सदस्य महेश प्रशाद पन्त, रुडेस बैतडीका प्रतिनिधि, भुवन बहादुर बिष्ट र अञ्जु भट्ट लगायतका प्रतिनिधिहरुको सहभागितामा दुबै विद्यालयलाई एक तारे विद्यालय घोषणा गरिएको हो ।
अबको एक वर्षमा नै विद्यालयलाई तीन तारे विद्यालय घोषणा गर्ने लक्ष अनुरुप अघि बढ्ने कालिका मावि मटेका विव्यस अध्यक्ष अर्जुन बहादुर कुवँरले बताए ।
विद्यालयको सुरसफाईका सुचक बृद्धीका लागि सबैले सहयोग गर्नुपर्ने सिद्धदीप आधारभुत विद्यालयका विव्यस अध्यक्ष मोहन बिष्टले बताए ।
एक तारे विद्यालय घोषणा कार्यक्रममा बोल्दै पाटन नगरपालिकामा शिक्षा समिति गठन भएको बताउदै समाजिक विकास समिति संयोजक विष्टले बिद्यालयको गुणस्तर बृद्धीका लागि शिक्षा समितिले सबैको सुझाव संकलन गरीरहेको बताए । सुझाव सल्लाह अनुसार अघि बढ्ने पनि उनले ्बताए ।
नगर उपप्रमुख बोहराले पनि शिक्षाको भौतीक, शैक्षिक विकासका लागि नगरपालिका सबैसँग हातेमालो गर्ने बताए ।
वडा नं १० का वडा अध्यक्ष धन बहादुर कुवँरले वडामा रहेका बिद्यालयको गुणस्तर बृद्धीका लागि बिद्यालय ब्यवस्थापन समितिका पदाधिकारी, शिक्षक र अविभावकसँग सहकार्य गर्न तयार रहेको बताए ।
पाटन नगरपालिकाका चार वटा विद्यालयमा यो कार्यक्रम सञ्चालनको क्रममा रहेको छ । वडा नं ९ मा रहेको सिद्धेस्वर मावि र सरस्वती आधारभुत बिद्यलयमा पनि यो कार्यक्रम सञ्चालनको क्रममा रहेको छ ।
