बैतडीमा दलित भातृ संगठनहरुको संयुक्त बैठक सम्पन्न

प्रदेश समाचार

Home
प्रदेश समाचार
बैतडीमा दलित भातृ संगठनहरुको संयुक्त बैठक सम्पन्न

बैतडीमा दलित भातृ संगठनहरुको संयुक्त बैठक सम्पन्न

बैठकका सहभागी

बैतडी
बैतडी जिल्लामा रहेका विभिन्न राजनितिक दल आवद्ध दलित भातृ संगठनहरुको संयुक्त बैठक बुधबार सम्पन्न भएको छ । जिल्ला स्थीत दलित अगुवा तथा भातृ संगठनमा आवद्ध व्यक्तिहरुको बैठकले दलित आन्दोलनलाई सशक्त बनाउने बिषयमा छलफल गरेकाछन् ।

छलफलमा दलित आन्दोलनको विगतको समिक्षा र आगमी रणनितिहरुबारे छलफल भएको नेपाल उत्पीडित जातिय मुक्ति समाजका जिल्ला इन्चार्ज बलभद्र दयालले बताए । उनले भने,‘हामी लामो समयपछि छलफलमा बसेका हौँ ।

आगामी दिनमा दलित समुदायका मुद्धाहरुमा मिलेर वकालन गर्ने बिषयमा छलफल भएको छ । आगामी भदौ ६गते दलित अगुवाहरु र भातृ संगठनमा आवद्ध व्यक्तिहरुको बीचमा बृहत बैठक बसेर रणनितिहरु तय गर्नेछौँ । नेपालको संबिधान २०७२ र ऐन कानुनले निर्धारण गरेका अधिकार स्थापीत गर्न रणनिति तय गर्नेछौँ भने, दलित समुदाय सेवा सुविधा बाट बञ्चीत भएको बिषयमा छलफल गरि आगामी रणनिति बनाउनेछौँ ।’

बुधबार भएको संयुक्त छलफलमा नागरिक समाज बैतडीका अगुवा कर्ण दयाल, नेकपा एमाले जिल्ला उपसचीव सरस्वती नेपाली, मुक्ति समाजका केन्द्रीय सदस्य तथा जिल्ला इन्चार्ज बलभद्र दयाल, नेपाल दलित संघ बैतडीका अध्यक्ष रमेश कोली तथा सचीव डम्बर टमाटा, दलित मुक्ति मोर्चाका जिल्ला सदस्य सचीन दयाल लगायतका व्यक्तिहरुको सहभागीता थियो ।

प्रकाशित मिति: बुधबार, साउन २५, २०७९ २१:१६

प्रतिक्रिया दिनुहोस्