बैतडीमा विद्यार्थीमा पनि कोरोना देखियो, सक्रिय संक्रमित ४५ जना

प्रदेश समाचार

Home
प्रदेश समाचार
बैतडीमा विद्यार्थीमा पनि कोरोना देखियो, सक्रिय संक्रमित ४५ जना

बैतडीमा विद्यार्थीमा पनि कोरोना देखियो, सक्रिय संक्रमित ४५ जना

बैतडी,
बैतडीमा विद्यार्थीसहित ३ जनामा कोरोना संक्रमण पुष्टि भएको छ । पाटन नगरपालिका ९मा रहेको सिद्धेस्वर माविमा अध्यानरत १३ वर्षीय विद्यार्थीसहित जिल्लामा ३ जनामा कोरोना संक्रमण पुष्टि भएको हो ।

विद्यालयको छात्रबासमा बस्दै आएका १३ वर्षीय छात्रामा कोरोना पुष्टि भएको हो । संक्रमण पुष्टि भएका विद्यार्थी आइतबार मात्रै घरबाट आएको र अन्य विद्यार्थीहरुको सम्पर्कमा नआएको हुनाले विद्यालय नियमित सुचारु हुने विद्यालय व्यवस्थापन समितिका अध्यक्ष प्रेम सिंह भाटले जानकारी दिए ।

यसैगरी बैतडीको दशरथचन्द नगरपालिकाका थप २ जनामा कोरोना संक्रमण पुष्टि भएको छ । समुदायस्तरमा कोरोना संक्रमण दर बढीरहेकाले सजगता अपनाउन सिद्धेूस्वर स्वास्थ्यचौकीका ल्या असिस्टेन्ट विनोद अवस्थीले आग्रह गर्नुभयो ।

पछिल्लो समयमा कोरोनाको ख्यालै नगरी स्वास्थ्यका समान्य मापदण्डहरु पनि कार्यान्वयन नहुने गरेको स्वास्थ्य कार्यालय बैतडीले जनाएको छ । जिल्लामा कोरोनाका सक्रिय संक्रमितको संख्या ४५ रहेको स्वास्थ्य कार्यालय बैतडीका सुचना अधिकारी विपिन लेखकले जानकारी दिए ।

प्रकाशित मिति: सोमबार, साउन ३०, २०७९ १९:०७

प्रतिक्रिया दिनुहोस्