बैतडीः दनपा मेयरकपको उपाधि वडा नं ४ ले उचाल्यो

प्रदेश समाचार

Home
प्रदेश समाचार
बैतडीः दनपा मेयरकपको उपाधि वडा नं ४ ले उचाल्यो

बैतडीः दनपा मेयरकपको उपाधि वडा नं ४ ले उचाल्यो

Meyar cup DCM.jpg

बैतडी,

बैतडीको दशरथचन्द नगरपालिकामा सञ्चालन भएको पाचौं मेयर कप पुरुष क्रिकेट प्रतियोगिताको उपाधि दशरथचन्द नगरपालिका– ४ ले उचालेको छ । बुधबार भएको फाइनल खेलमा दनपा ५ लाई ५ विकेटले पराजित गर्दै दनपा ४ ले उपाधि उचालेको हो ।

उपाधिसंगै दनपा– ४ ले ७५ हजार नगदसहित ट्रफी, मेडल र प्रमाणपत्र प्राप्त गरेको छ । दनपा ५ ले उपविजेतामा चित्त बुझाउँदै ५० हजार नगद सहित ट्रफी, मेडल र प्रमाणपत्र हात पारेको छ ।

निङ्गलाशैनी खेलमैदानमा आज भएको फाइनल खेलमा दनपा ५ ले टस जितेर पहिला ब्याटिङ गर्दै १६ दशमलब १ ओभरमा अलआउट हुँदै ८७ रन बनाएको थियो । ८८ रनको विजय लक्ष्यकासाथ मैदान उत्रेको दनपा ४ ले सुरुमा खराब प्रर्दशन गरेपनि १० दशमलब ४ ओभरमा ५ विकेटको नोक्सानीमा जितको लक्ष चुम्न सफल बन्यो । सुरुका ओभरमा ३ विकेट गुमाएको दनपा ४ ले ४ विकेटको क्षतिमा जम्मा ४ रन मात्र बनाउन सकेको थियो । तर पछि उसले खेलमा यूटर्न ल्यायो । जिततर्फ अघि बढेको हो ।

फागुन २५ गतेबाट शुरु भएको प्रतियोगिताको म्यान अफ द फाइनल दनपा ४ का हरिश कार्की भएका छन्। उनले प्रतियोगिता अवधिभर ३ विकेट लिनुका साथै ५२ रन बनाएका थिए । यस्तै प्रतियोगिता अवधिभर २ अर्धशतक सहित १ सय ९३ रन बनाएका दनपा ४ का प्रदीप चन्द बेस्ट ब्याट्सम्यान घोषित भएका छन् । यस्तै म्यान अफ द सिरिज उपाधिपनि दनपा ४ का प्रदीप चन्दले नै हात पारेका छन् ।

प्रतियोगिताका बिजेता तथा उपविजेता टीम तथा खेलाडीहरुलाई आजै एक कार्यक्रमका बीच पुरस्कार तथा प्रमाण पत्र वितरण गरिएको नगर क्रिकेट संघका संयोजक रमेस भट्टले बताउनुभयो ।
नेपाल क्रिकेट संघ क्यानका अध्यक्ष चतुरबहादुर चन्द, जिल्ला समन्वय समितिका प्रमुख सिद्धराज भट्ट, दशरथचन्द नगरपालिकाका प्रमुख नरेन्द्रसिंह थापा, उपप्रमुख मीना चन्द लगायतले पुरस्कार वितरण गरे ।
नगर क्रिकेट संघले जिल्लाका दुई जना पत्रकारलाई समेत सम्मान पत्रद्वारा सम्मान गरेका छ । क्रिकेट खेलको विकासलाई समाचार मार्फत सहयोग गरेको भन्दै संघले दिव्यास्त्र अनलाईनका सम्पादक तथा नेपाल टेलिभिजनका बैतडी समाचारदाता नरी बडु र राष्ट्रिय समाचार समितिका बैतडी समाचारदाता बिनोद सिंह विष्टलाई सम्मामन गरेको हो ।

प्रकाशित मिति: बिहीबार, चैत ३, २०७८ ०१:०७

प्रतिक्रिया दिनुहोस्