देउडा मार्फत विपद् पुर्वतयारीको सन्देश

प्रदेश समाचार

Home
प्रदेश समाचार
देउडा मार्फत विपद् पुर्वतयारीको सन्देश

देउडा मार्फत विपद् पुर्वतयारीको सन्देश

बैतडीमा नेपाल रेडक्रस सोसाइटी जिल्ला शाखाले देउडामार्फत विपद् पुर्व तयारीको बारेमा सन्देश दिन थालेको छ । सर्वसाधारणलाई बाढी पहिरो भूकम्पलगायतका अन्य विपद् आउनु पुर्वको तयारीका बारेमा देउडा मार्फत रेडक्रसले जानकारी दिरहेको हो । विपद् आउनु पुर्वको तयारी र आइसकेपछि अपनाउनुपर्ने सावधानीका बारेमा देउडा मार्फत सन्देश प्रवाह गरिरहेको छ ।
पश्चिम बिपद पुर्वतयारी परियोजनाको आयोजनामा मंगलबार जिल्लाको पञ्चेश्वर गाउँपालिका १ पलाडीमा विपद् जोखीम न्युनिकरण सम्बन्धि सन्देश मुलक देउडा प्रतियोगिता सम्पन्न भएको छ । १० वटा समूहको सहभागीता रहेको कार्यक्रममा देउडामार्फत बिपद जोखिम तथा पुर्बतयारीका सन्देशहरु प्रदान गरिएको पश्चिम विपद् पुर्व तयारी परियोजनाका फिल्ड कर्मचारी दीपक निरौलाले जानकारी दिए ।
विपद् आउनुपुर्व तयारी अवस्थामा राख्नुपर्ने झटफट झोला , सुरक्षीत स्थानको छनोट र विपद् आइसकेपछि नियमित ब्यक्तीगत र वातावरणीय सरसफाइका बारेमा देउडा मार्फत स्थानीय नागरीकहरुलाई जानकारी गराइएको उनले जानकारी दिए । ‘देउडा नाच यहाँको मौलिक एवं लोकपृय नाच हो’ उनले भने ‘हरेक नागरीकले बुझ्ने भएको प्रभावकारी हुने पनि विश्वास लिएका छौ ।’
कतिपय नागरीकलाई झटपट झोलामा केके सामान राख्ने ? कुन ठाउँमा राख्ने ? भन्ने बारेमा जानकारी नहुने भएकाले विपद्को समयमा अलपत्र पर्ने र सहयोगी निकायबाट प्राप्त हुने सहयोगबाट पनि बन्चित हुने गर्दछन् ।
विपद् आउनुपुर्वको आवश्यक तयारीका बारेमा नागरीकहरु कम जानकार हुँदा ठुलो मानविय क्षेतिहुने गरेको निरौलाले बताए। पश्चिम विपद् पुर्वतयारी परियोजना बैतडीको मेलौली नगरपालिका र पञ्चेश्वर गाउँपालिकामा लागु छ । यि स्थानीय तहहरु बाढी पहिरो भुक्षयको उच्च जोखीममा रहेछन् भने जंगली जनावर चितुवा प्रभावति क्षेत्र पनि हुन्।
मंगलबार सम्पन्न सचेतनामुलक देउडा प्रतियागितामा १० वटा समुहको सहभागीता रहेको थियो । प्रतियोगितामा कुलाउ सामुदायको समुह प्रथम , चतुर्बाहु समिती द्वितीय , भुमिराज समिति तृतीय र डुग्रीखान मा.वि ले सान्त्वना स्थान हासिल गरेको छ ।
नेपाल रेडक्रस सोसाइटी मेलौली उपशाखाका सभापति सुरत पार्कीको अध्यक्षतामा सञ्चान भएको कार्यक्रममा प्रदेश सभाका सद्स्य लिलाधर भट्टको प्रमुख अतिथी रहनुभएको थियो । बिशिष्ट अतिथीमा पञ्चेश्वर गाउँपालिकाकाअध्यक्ष गोरख बहादुर चन्द तथा उपाध्यक्ष बिना भट्ट रहनुभएको थियो । कार्यक्रमा स्थानीय सहित कार्यक्रमबाट गठन गरिएको सामुदायिक विपद् तथा जलबायु उत्थान समितीका पदाधाकारीको समेत उपस्थिती रहेको थियो।

प्रकाशित मिति: मंगलबार, भदौ २८, २०७९ २०:१५

प्रतिक्रिया दिनुहोस्