बैतडी
दलित समाज विकास मंच बैतडीले बालबिवाह न्युनिकरण र अन्त्य सम्बन्धी मिडिया सम्बाद कार्यक्रम सम्पन्न गरेको छ । उक्त कार्यक्रम २६ असोजमा जिल्ला प्रशासन कार्यालय बैतडीमा सम्पन्न भएको हो । बैतडी स्थीत रेडियो सभेनस्टार ९९.२मेगाहर्ज संगको सहकार्यमा आयोजीत उक्त कार्यक्रममा जिल्ला स्थीत सरोकारवाला निकायका व्यक्तिहरुसंग बहस गरिएको हो ।
बहसमा प्रमुख जिल्ला अधिकारी सुरेश पन्थी, प्रहरी नायव उपरिक्षक प्रेम बहादुर शाही, शिक्षा विकास तथा समन्वय इकाई प्रमुख नरेन्द्र अवस्थी, जिल्ला न्यधिवक्ता इश्वरदत्त जोशी, राष्टिूय अनुसन्धान कार्यालय बैतडीका प्रमुख देवेन्द्र थापा र दलित समाज विकास मंच बैतडीका अध्यक्ष सरस्वती नेपालीको सहभागीता रह्यो ।
वक्ताका रुपमा बहस कार्यक्रममा सहभागी भएका सरोकारवाला निकायका व्यक्तिहरुले बालबिवाह न्युुनिकरण र अन्त्यका लागि आफ्नो तर्फबाट भुमिका निर्वाह गर्ने बताएकाछन् । प्रमुख जिल्ला अधिकारी पन्थीले बालबिवाहका मुद्धाहरुमा उचित छानवीन र कारवाही गरिने बताए । बालबिवाह सबै ठाउँमा हुने गरेको तर कसैलाई कारवाहीको दायरामा ल्याउन नसकेको भन्ने प्रश्नमा पन्थीले भने,“हरेक कारवाही प्रक्रिया अघि बढाउन उजुरी आउनुपर्ने हुन्छ । बालबिवाहका उजुरी प्राप्त भएमा सबै उजुरीहरुमा उचित ढंगले कारवाही प्रक्रिया थाल्छौँ र दोसीलाई कारवाहीको दायरामा ल्याउछौँ ।”
गत बर्ष बालबिवाह सम्बन्धीका २वटा उजुुरी प्राप्त भएको प्रहरी नायव उपरिक्षक शाहीले बताए । आर्थिक बर्ष २०७७÷०७८मा प्राप्त उक्त उजुरीहरुमा कारवाही भैइसकेको उनले बताए । एउटा मुद्धामा केटालाई १ महिना र केटिलाई १ दिनको कैद सजाय भएको छ भने, अर्को मुद्धामा केटालाई ६ महिना र केटिलाई ३ महिना कैद भएको छ ।
२०बर्ष नपुुगी भएको बिवाह स्वतः बदर हुने र बालविवाह गर्ने÷गराउने लाई कारबाही गरिने कानुुनि व्यवस्था रहेको जिल्ला न्यायधिवक्ता इश्वर प्रसाद जोशीले बताए ।
बालबिवाह न्युुनिकरणका लागि विद्यालय स्तरबाट पहल गर्नुपर्ने बिषयमा शिक्षा विकास तथा समन्वय इकाई प्रमुुख अवस्थीले पाठ्यक्रममै बालबिवाह विरुद्धका सामग्रीहरु समावेश रहेको बताए ।
पछिल्लो समय गुणस्तरीय खानपानका कारण छिटो शारीरिक विकास भएका बालबालिकाले कम उमेरमा बिवाह गर्ने गरेको सरोकारवाला बताउछन् । कम उमेरमा मागी बिवाह र प्रेम बिवाह जताततै हुने गरेकाले बालबिवाह अन्त्य गर्नमा चुनौती रहेको राष्टिूय अनुसन्धान कार्यालय बैतडीका प्रमुख थापाले बताए ।
बैतडी जिल्ला देशमै सबैभन्दा बढी बालबिवाह हुने जिल्लाहरुको सुचिमा रहेकाले बालबिवाहको अन्त्य गर्न सबै सरोकारवाला निकायले सक्रियता बढाउनुपर्ने अधिकारकर्मी सरस्वती नेपालीले बताइन् ।
