बैतडी:प्रदेशसभाका उम्मेदवार शिवराज भट्टलाई जिताउन बलिउड अभिनेत्री साध्वीको अपिल

प्रदेश समाचार

Home
प्रदेश समाचार
बैतडी:प्रदेशसभाका उम्मेदवार शिवराज भट्टलाई जिताउन बलिउड अभिनेत्री साध्वीको अपिल

बैतडी:प्रदेशसभाका उम्मेदवार शिवराज भट्टलाई जिताउन बलिउड अभिनेत्री साध्वीको अपिल

बैतडी
बलिउड फिल्म ‘दि ड्रिम जब’ मार्फत् मुख्य भूमिकामा ‘डेब्यु’ गरेकी देहिमाण्डौंकी साध्वी भट्टले आफ्ना बुवा शिवराज भट्टका लागि मत प्रदान गरिदिनभन्दै अपिल गरेकी छन् । बैतडीको प्रदेशसभा (२) मा कांग्रेसका तर्फबाट शिवराज भट्ट उम्मेदवार छन् । साध्वी उनको छोरी हुन् । उनले सामाजिक सञ्जालमा आफ्ना बुवाको प्रचार सामाग्री पोष्ट गर्दै भोट मागेकी हुन् ।
साध्वीले २०३६ देखि निरन्तर राजनीतिक परिवर्तन, सामाजिक, आर्थिक, शैक्षिक र समग्र विकासका लागि जनताको जनजीविका र राष्ट्रको स्वाधीनताका लागि संघर्ष गरिरहेको राजनीतिकर्मीका रुपमा आफ्ना बुवा शिवराज भट्टलाई अथ्र्याउदै क्षेत्र नं (२) का मतदाताहरुलाई मतदान प्रदान गरिदिन आग्रह गरेकी छन् ।

क्षेत्र नं (२) बाट गठबन्धनका साझा उम्मदवार भट्टका जेठा छोरा नेपालमै रहेका छन् भने । छोरी साध्वी र कान्छा छोरा मुम्बईमा बस्दै आएका छन्।
उनले पछिल्लो पटक आफ्ना बुवाको चुनावी प्रचारका लागि डोटेली भाषामा तयार गरिएको १ मिनेट लामो भिडिओ क्लिप सेयर गरेकी छन्।
साध्वीको ‘दि ड्रिम जब’ मा जुबेर कमल खान, दुर्गेश कुमार, विकास श्रीवास्तव, खुश्बु उपाध्याय, प्रसाद शिकरेलगायतका कलाकारले अभिनय गरेका छन्। उनी बलिउड फिल्म ‘बेसरम’ मा अभिनेता रणवीर कपुरसँग नृत्यमा देखिएकी थिइन्। साध्वी मुम्बईमा अभिनेता अनुपम खेरको इन्स्टिच्यूटबाट अभिनयमा डिप्लोमा गरेपछि बलिउड फिल्म उद्योगतिर लागेकी हुन्। पण्डित गणेशप्रसाद मिश्रबाट गायनमा दुईवर्षे प्रशिक्षण लिएकी साध्वी शास्त्रीय संगीतमा पनि दक्ष छन्। जावेद अख्तर र ललित पण्डितको संगीतमा आधा दर्जन गीत गाएकी उनले दर्जनौं म्युजिक भिडियो र सर्ट फिल्महरूमा पनि काम गरिसकेकी छन्।

उनको हिन्दी गीति एल्बम ‘पत्थर हुवा सोना’ टि–सिरिजले बजारमा ल्याएको थियो। साध्वीले अनुराग कश्यपको सहायक निर्देशक भएर समेत काम गरिसकेकी छन्।

प्रकाशित मिति: शनिबार, कात्तिक १२, २०७९ १४:४३

प्रतिक्रिया दिनुहोस्