बैतडी
नेकपा (एमाले) अध्यक्ष एंव पुर्व प्रधानमन्त्री केपी शर्मा ओलीले सुक्रबार बैतडीको पाटनमा आयोजीत चुनावी विशाल आमसभालाई सम्बोधन गरेकाछन् ।
दार्चुलामा दीप प्रज्वलन गरेर एमालेको प्रचार अभियान सुरुवात गर्दै बैतडी पुुगेका ओलीले एमालेको आगामी योजना सुुदुरपश्चिममा विकासको मुुल फुुटाउने रहेको बताए । ओलीले बैतडीबासी लाई विकास निर्माणका विभिन्न आयोजनाहरु पुरा गर्ने आश्वासन दिएकाछन् । नेपाल–भारत सिमानदी झुलाघाटमा पक्की पुुल, महाकाली कोरिडोर आयोजना सम्पन्न, गोकुलेश्वरमा रहेको कृषि विज्ञान कलेज र पाटनमा रहेको भिमदत्त पोलिटेक्नीकल शिक्षालयको स्तरोन्नती, दशरथचन्द प्रतिष्ठान लाई राष्ट्रिय प्रतिष्ठान बनाउने, खनिज पदार्थको उत्खनन् तथा बैतडीमा रहेको फस्फोराईड खानी सञ्चालन गर्ने बताए । उल्लेखित आयोजनाहरुको काम विगतमा आफु नेतृत्वको सरकारले सुुरुवात गरेपनि वर्तमान सरकारले अलपत्र छाडेको उनको आरोप छ । ओलीले बैतडी सहित सुदुरपश्चिका विभिन्न सामुुदायिक क्याम्पसहरुलाई आगिंक बनाएको बताए ।
अध्यक्ष ओलीले सुदुरपश्चिममा रहेका सबै राष्ट्रिय गौरवका आयोजनाहरु सम्पन्न गर्ने जिम्मेवारी एमालेको काँधमा रहेको बताए । मंसिर ४मा एमालेलाई भोट दिन आग्रह गर्दै उनले भने,“नेकपा(एमाले)ले अहिले बच्चा गर्भमा रहदाँ देखी पुरै जिवनका योजनाको खाका सहित सार्वजनिक गरेको पार्टीको घोषणा पत्रमा टेकेर काम गर्नेछौँ । सुुर्य चिन्हमा मतदान गरि एमालेका सबै उम्मेदवारहरुलाई विजयी गराउन अनुरोध गर्छु ।”
यो सरकार घरको बाघ, बनको स्याल हो : ओली
एमाले अध्यक्ष ओलीले वर्तमान सरकार विदेशी सामू घुुडा टेकेर बसेको आरोप लगाएकाछन् । उनले भने,“तुुइन काटेर नेपालीलाई महाकालीमा फाल्दा यो सरकार एक शब्द बोल्न सक्दैन्, विदेशीसंग गलत सम्झौता र्गछ, तर प्रधानन्यायधीष लाई नजरबन्दमा राख्ने, उहाँको छोरीलाई दिनभर थुुनेर साझँ छोडीदिने जस्ता कृयाकलाप निन्दनीय छन् । यसले काम केहि गर्दैन्, हामीले सडक बालबालिकाहरुको व्यवस्थापन गरेका थियौँ, हामी सरकारबाट बाहिरिए लगत्तै फेरी समस्या बल्झीयो, जब कंगाल बुद्धिका मान्छे सरकारमा आउछन् तब देश विग्रन्छ । हामीले १ सय बाट सुरु गरेको जेष्ठ नागरिक भत्ता अहिले ४हजार बनाएका छौँ । त्यसलाई कहिले ६८बर्ष, कहिले ६५बर्ष, भन्दाभन्दै २५मै पाउनुुपर्छ भन्न बेर छैन् । भन्दै कांग्रेस नेतृत्वको सरकारलाई व्यंग गरे ।”
उनले भने,“विकास गर्न टालाटुली बटुली कतिराम्री कठपुतली भएको सरकारले हुदैँन्, स्थाई सरकार चाहिन्छ, त्यसैले अब मंसिर ४ पछी एमालेको स्थाई सरकार बनाउँ, एमालेलाई सरकारमा पुुग्नका लागि होइन्, देश बनाउनका लागि भोट दिनुुस ।
एमालेका सचीव तथा सुदुरपश्चिम इन्चार्ज लेखराज भट्टले विगतमा टाउकोको मुल्य तोक्नेहरुको गठबन्धन नटिक्ने दावी गरे । उनले भने, “अब गठबन्धनको प्रधानमन्त्री कोहो? गोरखा बाट प्रचण्ड म हुँ भन्छन्, कांग्रेसका गगन थापा म हुँ भन्छन्, सेर बहादुर देउवा डडेल्धुराबाट मै हुुँ भन्छन् र अन्य दलहरुको त कुरै छोडौँ । त्यसैले एमालेले अध्यक्ष ओलीलाई प्रधानमन्त्री बनाई देश विकास गर्ने योजना छ, सुुर्य चिन्हमा मतदान गर्न आग्रह गर्छु ।”
एमाले बैतडीबाट प्रतिनिधिसभामा पुर्व अर्थराज्य मन्त्री समेत रहेका दामोदर भण्डारी प्रतिनिधिसभा सदस्यका उम्मेदवार रहेकाछन् भने, प्रदेशसभा सदस्यका लागी क्षेत्र(क)बाट पार्टी जिल्ला अध्यक्ष सुरेन्द्र पाल र क्षेत्र(ख)बाट पार्टी केन्द्रीय सदस्य लिलाधर भट्ट उम्मेदवार छन् ।
यसैगरी एमाले बैतडीबाट समानुपातिक तर्फ प्रदेशसभामा जानकी ऐर बम र भरत मडै उम्मेदवार रहेकाछन् ।
