बैतडीमा बागीको पक्षमा उभिएका कांग्रेस नेताहरुलाई धमाधम कारबाही

प्रदेश समाचार

Home
प्रदेश समाचार
बैतडीमा बागीको पक्षमा उभिएका कांग्रेस नेताहरुलाई धमाधम कारबाही

बैतडीमा बागीको पक्षमा उभिएका कांग्रेस नेताहरुलाई धमाधम कारबाही

बैतडी,
नेपाली कांग्रेस बैतडीले बागी उम्मेदवारको पक्षमा उभिएका नेता कार्यकर्ताहरुलाई धमाधम कारबाही गरीरहेको छ । बागी उम्मेदवार हरिमोहन भण्डारीको पक्षमा उभिएका नेता कार्यकर्ताहरुलाई कारबाही गरिरहेको हो ।
नेपाली कांग्रेसका पूर्व महादिवेसन प्रतिनिधि एवं दलित संघका जिल्ला अध्यक्ष रमेश कोली, पाटन नगरपालिकाका नगर सभापती मान बहादुर ऐर, पाटन नगरपालिकाका निवर्तमान उपप्रमुख नेतृ सरस्वती कोली, सिगास गाउँपालिकाका उपसभापती धन बहादुर साउँद, पाटन नगरकमिटिका सहसचिव कृष्णा पन्त, मेलौली ५ का वडा सभापति परमानन्द पन्तलाई पाँछ वर्षको लागि पार्टीबाट निष्कासन गरेको हो ।
मंसिर ४ गते हुन गइरहेको प्रतिनिधि सभा तथा प्रदेश सभा सदस्यको निर्वाचनमा नेपाली कांग्रेसका आधिकारीक उम्मेदवार र पाँच दलिय लोकतान्त्रिक बाम गठबन्धनका उम्मेदवारहरुको बिरुद्धमा गई बागी उम्मेदवारको पक्षमा भोट माग्ने र प्रचार प्रशारमा सहभागि भएको भन्दै कारवाही गरिएको नेपाली कांग्रेस बैतडीका अनुसासन समितिका संयोजक देवराज जोशीले जानकारी दिए । कांग्रेसबाट बिद्रोह गरेर स्वतन्त्र उम्मेदवारी दर्ता गरेका कांग्रेस नेता केशव बहादुर चन्द र हरिमोहन भण्डारीको पक्षमा उभिएका नेता कार्यकर्ताहरुलाई पार्टीले कारबाही गरीरहेको उनले बताए ।
केशव बहादुर चन्दले प्रतिनिधिसभा सदस्यका लागि उम्मेदवारी दिएका छन् भने हरिमोहन भण्डारीले क्षेत्र नं (क)बाट प्रदेश सभा सदस्यका लागि स्वतन्त्र उम्मेदवारी दिएका छन् । बागी उम्मेदवारी दर्ता गरेका हरिमोहन भण्डारीले नेपाली कांग्रेसले आफ्नो पक्षमा उभिएका कार्यकर्ताहरुलाई कारवाही गर्दै गएको अवस्थामा बैतडीमा कांग्रेसको झण्डा र एकदुई जना बाहेक अरु नरहने बताएका छन् । प्रदेश सभा सदस्यका लागि क्षेत्र नं (क)का पाँच वटै पालिकाका सभापती र ३६ वडा सभापतीको हस्ताक्षर सहितको सिफारीस हुदाहुदै बीर बहादुर बिष्टले टिकट खोसेको बताएका छन् । कार्यकर्ताको भावना विपरीत उम्मेदवारले टिकट पाएको हुनाले आफुले स्वतन्त्र उम्मेदवारी दिएको बताएका छन् । प्रदेशसभा सदस्यका लागि आफ्नो जित सुनिश्चित रहेको समेत भण्डारीको दाबी रहेको छ ।
यसैगरी केशव बहादुर चन्दले पनि नेपाली कांग्रेसको बलियो सम्भावना रहदारहदै पनि कमजोर संगठन भएको माओवादी केन्द्रले प्रतिनिधिसामा टिकट पाइएको भन्दै उम्मेदवारी दिएको बताएका छन् । कांग्रेस बचाउनुपर्छ भन्ने नेता कार्यकर्ताहरु मेरो पक्षमा रहेको उनले बताएका छन् ।
पार्टीको बिधि, विधान र निर्देशन विरुद्ध जानेहरुलाई कारवाही हुनैपर्ने गठबन्धन पक्षधरहरुको भनाइ रहेको छ भने कार्यकर्ताको भावना विपरित नेताहरुलाई टिकट दिएको भन्दै बागीकै पक्षमा लागेका अन्य नेताहरुको भनाई छ ।
बैतडीमा लोकतान्त्रिक बाम गठबन्धनबाट माओवादी केन्द्रका नेता नरेन्द्र कुवँर विजयसुन्दरले टिकट पाएका हुन् । प्रदेश सभाका (क)मा कांग्रेसकै बीर बहादुर बिष्ट र प्रदेश सभा (ख)मा कांग्रेसकै शिवराज भट्टले टिकट पाएका हुन् ।

प्रकाशित मिति: शुक्रबार, कात्तिक २५, २०७९ १०:०१

प्रतिक्रिया दिनुहोस्