बैतडीमा निर्वाचनलाई निष्पक्ष रुपमा सम्पन्न गर्न सरोकारवालाको ऐक्यबद्धता

प्रदेश समाचार

Home
प्रदेश समाचार
बैतडीमा निर्वाचनलाई निष्पक्ष रुपमा सम्पन्न गर्न सरोकारवालाको ऐक्यबद्धता

बैतडीमा निर्वाचनलाई निष्पक्ष रुपमा सम्पन्न गर्न सरोकारवालाको ऐक्यबद्धता

बैतडी,
मतदान केन्द्रमा सर्बदलिय तथा सर्बपक्षिय बैठकहरु शुक्रबार सम्पन्न भएका छन् । बैतडीका २१० वटै मतदान केन्द्रमा बैठक सम्पन्न भएका हुन् । मंसिर ४ गते आइतबार हुने प्रदेश तथा प्रतिनिधिसभा सदस्यको निर्वाचनलाई सव्य, भव्य र निष्पक्षरुपमा सम्पन्न गर्नको लागि आवस्यक निर्णय गरिएको सम्बन्धित मतदान केन्द्रका अधिकृतहरुले जनाएका छन् ।
मतदान केन्द्रको ३ सय मिटर वरपर राखिएका उम्मेदवारहरुका प्रचार प्रशारका समाग्री हटाउने, मदिरा पूर्णरुपमा निषेध गर्ने, निर्वाचनलाई निष्पक्ष र विवादरहित तवरले सम्पन्न गर्न आवस्यक निर्णय गरिएका छन् । असक्त असहाय तथा बृद्धबृद्धाहरुलाई मतदानको समयमा प्राथमिकता दिएर मतदान गराउने वातावरण सिर्जना गर्ने र मतदान गर्न नसक्ने अपाङ्गता भएका व्यक्तिले मतदान गर्न नसकेको अवस्थामा कुनै एकाघरका प्रतिनिधिले मतदान गर्नसक्ने निर्णय गरिएको पाटन नगरपालिका ८ स्थित सिद्धदीप आधारभुत विद्यालयमा रहेको मतदान केन्द्रमा खटिएका मतदान केन्द्र अधिकृत रमेशदत्त बागले जानकारी दिए ।
यसैगरी बैठकमा सहभागी पाटन ८ का वडा अध्यक्ष हरिश सिंह बिष्टले निर्वाचन सम्पन्न गर्नको लागि वडापालिकाको तर्फबाट पूर्ण सहयोग रहने बताए । कर्मचारी तथा सुरक्षा निकायका प्रतिनिधिहरुले पनि निष्वक्षता र भयरहित वातावरणमा निर्वाचन सम्पन्न गर्नमा बिषेश भुमिका रहने उनले औँल्याए ।

प्रशाससनीक र स्थानीय निकायबाट समेत निर्वाचनलाई भयरहित र मर्यादित तवरले सम्पन्न गर्नुपर्नेमा जोड दिइएकाले कुनै समस्या नआउनेमा विश्वस्त रहेको पाटन ८ का नेपाली कांग्रेसका वडा सभापती मोहन सिंह बिष्टले बताए ।
बिगतको दिनमा भएका भनिएका कमिकमजोरीहरुलाई सच्याउनुपर्ने बैठकमा सहभागि नेकपा एमालेका जिल्ला कमिटि उपसचिव लोकेन्द्र भण्डारीले बताए ।
मतदानको दिन अपनाउनु पर्ने सावधानी, पालना गर्नुपर्ने नियम लगायतका विषयमा राजनितिक दलका प्रतिनिधि तथा सरोकारवाला निकाय एकमत देखिएको र आवस्यक सुरक्षा सतर्कता पनि अपनाइएको सिगास २ स्थित अर्जुन माविमा रहेको मतदान केन्द्राका मतदान अधिकृत योगेश प्रशाद भट्टले बताए ।
जिल्लामा २१० वटा मतदान केन्द्रहरु रहेका छन् । शुक्रबार दिउसो १ बजेको समयमा सबै मतदान केन्द्रमा बैठक बसेर निर्वाचनलाई निष्पक्ष, भयरहित र विवादरहित तवरले मतदान गर्ने सहमति भएको निर्वाचन कार्यालय बैतडीका प्रमुख माधव प्रशाद फुयालले जानकारी दिए ।

प्रकाशित मिति: शुक्रबार, मंसिर २, २०७९ १९:२५

प्रतिक्रिया दिनुहोस्