बैतडी
जिल्लाको डिलाशैनी गाउँपालिका वडा न.६का स्थाई बासिन्दा गोविन्द नाथ योगी अहिले ७९ बर्ष पुुगे । २००१ सालमा जन्मीएका उनि २०५६ साल अघिका १दर्जन बढी चुनाव लडेका व्यक्ति हुन् । नाथलाई प्रधानपञ्च देखी सांसदसम्म चुनाव लडेको अनुुभव छ । नाथले कतिपय चुनावमा सफलता प्राप्त गर्दा केहि चुनावमा पराजीत भए । उनि गाउँमा प्रधानपञ्च र जिल्ला पञ्चायतको चुनावमा भने सफल भए ।
सुुरुदेखी राष्ट्रीय प्रजातन्त्र पार्टीमा आवद्ध उनि २०५६ सालमा भने, हरीयाली नेपाल पार्टीबाट आँप चुनाव चिन्ह लिएर तत्कालिन प्रधानमन्त्री लोकेन्द्र बहादुर चन्दसंग प्रतिस्प्रधामा उत्रिए । त्यसपछि भने उनि चुनाव लडेका छैनन् ।
‘जिल्ला पञ्चायतमा जिल्लाको विकास निर्माणका लागि बार्षिक बजेट जम्मा ५लाख आउथ्यो भने गाउँपञ्चायतमा बार्षिक बजेट जम्मा ६० रुपयाँ आउँथ्यो, उक्त रकम सचीवले विभिन्न ठाउँमा यात्रा गर्दा खर्च हुुन्थ्यो ।’ नाथले भने ।
नाथ विद्यालय, बाटो, चौतारो, कुवा निर्माण लगायतका काम गरेको सम्झन्छन् । यसका साथै भोकमरीका बेला अमेरिकी मकै वितरण गरेको बताउछन् । एक पटक चुनाव लड्दा सुुरक्षा चुनौती भएपछि प्रमुख जिल्ला अधिकारीले जिल्लामा बोलाए । प्रमुुख जिल्ला अधिकारीले प्रहरीको सुुरक्षा दिने भनेपछि उल्टै प्रहरीबाटै आफुलाई सुुरक्षाको चुनौती रहेको बताएका थिए ।
नाथ अहिले भने नेकपा एमालेलाई साथ दिदैँ आएकाछन् । अहिले सदस्यता कुनै पार्टीको नभएको बताउने उनी बुढापाकाको साहारा हो भन्दै एमालेको पक्षमा भोट मागिरहेको बताउछन् । नाथले युवक संगठन, किसान संगठन लगायत विभिन्न संगठनहरुको नेतृत्व गरेको बताउछन् ।
उतिबेला नेता भैदिनुपयो भन्दै गाउँलेहरु एकजनालाई अगाडी बढाउथे, अहिले नेता बन्न लडाई हुने गर्दछ । जसको घरमा बढी धान हुन्छ उसैलाई प्रधान भन्ने चलन थियो ।
कक्षा ५ सम्म अध्ययन गरेका उनले दर्जन बढी चुुनाव लडेपनि अब भने चुनाव लड्ने रहर भने छैन् । उमेरले बृद्ध भएपनि अझै जवान मान्छे जस्तै सक्रिय देखिन्छन् ।
नाथ ९ छोरी र २छोराका बाउ हुन् । उनकी एक छोरीले माओवादीको जनयुद्धमा सामेल हुदाँ ज्यान गुमाएकी हुन् ।
नाथलाई अहिलेका नेताहरुमा इमान्दारीता घटेको महशुुस हुन्छ । नयाँ राजनितिकर्मीहरुलाई बोलेका बाचाँ पुरा गर्न र पुरा नहुुने कुराको आश्वासन नदिन उनको आग्रह छ ।
