बैतडीमा कांग्रेसले १० वटै पालिकामा चुनावी समिक्षा गर्दै

प्रदेश समाचार

Home
प्रदेश समाचार
बैतडीमा कांग्रेसले १० वटै पालिकामा चुनावी समिक्षा गर्दै

बैतडीमा कांग्रेसले १० वटै पालिकामा चुनावी समिक्षा गर्दै

बैतडी,
नेपाली कांग्रेस बैतडीले पालिकास्तरबाटै चुनावी समिक्षा गर्ने भएको छ । पालिका सभापतिको संयोजकत्वमा समिति गठन गरेर पालिकास्तराटै प्रदेश तथा प्रतिनिधिसभा सदस्यको निर्वाचनको बिषयमा समिक्षा गर्ने भएको हो ।
जिल्ला कार्यसमिति सचिव देवराज जोशीका अनुसार पालिकास्तरमा पालिका सभापतिको संयोजकत्वमा समिति गठन गरेर पालिका स्तरमा समिक्षा गरी जिल्ला कार्यसमितिलाई प्रतिबेदन पेश गर्ने छ । यसैगरी क्षेत्रीय छानविन समिति समेत गठन गरेर समिक्षा गरिने उनले बताए । प्रदेश सभाका दुवै उम्मेदवारको संयोजकत्वमा पनि समिति गठन गरिएको जिल्ला कार्यसमिति सचिव जोशीले बताए । क्षेत्र नं (क)का उम्मेदवार बिर बहादुर बिष्ट र क्षेत्र नं (ख)का उम्मेदवार शिवराज भट्टको संयोजकत्वमा क्षेत्रीयस्तरमा पनि छानबिन गरिने पनि बताइएको छ । वडास्तरमा के कसरी मत प्राप्त भयो? के कस्तो असहज भयो? मत प्राप्त भएको विवरणसमित समिक्षा गरेर अन्तिम प्रतिवेदन जिल्ला कार्यसमितिमा पेश गरिने र त्यसपछि थप प्रक्रिया थालिने उनले बताए ।
गठबन्धनको प्रमुख दल मानिएको कांग्रेसले क्षेत्र नं (क)का उम्मेदवार बिर बहादुर बिष्ट पराजित भएका थिए भने प्रतिनिधिसभाका गठबन्धनकै साझा उम्मेदवार माओवादी केन्द्रका नरेन्द्र बहादुर कुवँर पनि पराजित भएका थिए । प्रदेश सभा क्षेत्र नं(ख)मा कांग्रेसका शिवराज भट्ट विजयी भएका थिए ।
यसैगरी नेपाली कांग्रेसले मतदाताहरुलाई धन्यवाद ज्ञापन कार्यक्रम पनि गरीरहेको छ । प्रदेशसभा क्षेत्र नं (ख)मा विजयी शिवराज भट्टले पालिकास्तरमा धन्यवाद ज्ञापन कार्यक्रम गरीरहनु भएको कांग्रेस नेता महेश भट्टले जानकारी दिए ।

प्रकाशित मिति: सोमबार, मंसिर १२, २०७९ १७:२४

प्रतिक्रिया दिनुहोस्