माया लुहार हत्या प्रकरणः डिएसपी नेत्तृत्वको प्रहरी टोली घटनास्थलमा, अनुसन्धान चल्दै

प्रदेश समाचार

Home
प्रदेश समाचार
माया लुहार हत्या प्रकरणः डिएसपी नेत्तृत्वको प्रहरी टोली घटनास्थलमा, अनुसन्धान चल्दै

माया लुहार हत्या प्रकरणः डिएसपी नेत्तृत्वको प्रहरी टोली घटनास्थलमा, अनुसन्धान चल्दै

बैतडी,
बैतडीको पञ्चेश्वर गाउँपालिका ४ की २१ वर्षीया माया लुहारको घाँटी रेटी हत्या गरेको विषयमा अनुसन्धन सुरु भइसकेको प्रहरीले जनाएको छ । जिल्ला प्रहरी कार्यालय बैतडीका प्रमुख प्रहरी नायव उपरिक्षक प्रेम बहादुर शाही नेत्तृत्वको टोलीले घटनास्थलको अध्यान गरी थप अनुसन्धान थालेको हो ।
शवलाई पोष्ट्रमाटमको लागि पाटनतर्फ शव पठाइएको र अनुसन्धानको लागि आवस्यक अन्य प्रक्रिया सुरु भइसकेको जिल्ला प्रहरी कार्यालय बैतडीका प्रमुख, प्रहरी नायव उपरिक्षक शाहीले बताए । चिकित्सकको टोलीले सेमत घटनास्थलको अनुगमन गरेको बताइएको छ ।
पञ्चेश्वर गाउँपालिका ४ की माया लुहारको घाँटी रेटी हत्या गरेको अवस्थामा शिवनाथ गाउँपालिका ६ को शिवनाथ मन्दिर नजिकै जंगलमा आधा घाटि रेटेको अवस्थामा शव फेला परेको थियो ।
यसैगरी पञ्चेश्वर ४ कै भरत लुहारकी १५ वर्षीया छोरी नेहा लुहारको घाटीमा धारिलो हतियार प्रयोग गरी गम्भिर घाइते बनाएको अवस्थामा शिवनाथ गाउँपालिका र पञ्चेश्वर गाउँपालिकाको सिमानामा पर्ने लामाडाँगा भन्ने स्थानमा फेला परेकि हुन् । घाइते नेहालाई उपचारको लागि धनगढी रेफर गरिएको छ ।
माया र नेहा मंगलबार लुगा सिउन भनी घरबाट गएका र राती अबेरसम्म पनि घर नफर्किएपछि खोजतलास गर्दा माया मृत अवस्थामा भेटिएकी र नेहा घाइते अवस्थामा भेटिएको जिल्ला प्रहरी कार्यालय बैतडीका सूचना अधिकारी लोकराज जोशीले जानकारी दिए । मृतक माया हालै सम्पन्न प्रदेश तथा प्रतिनिधिसभा सदस्यको निर्वाचनमा म्यादी प्रहरीको रुपमा कार्यरत रहेको आफन्तले बताएका छन् ।
घटनाबारे थप अनुसन्धान भइरहेको प्रहरीले जनाएको छ ।

प्रकाशित मिति: बुधबार, मंसिर १४, २०७९ २१:०४

प्रतिक्रिया दिनुहोस्