माया हत्या आरोपीत सार्बजनिकः नेहाको पनि ज्यान लिने प्रयास, भागेर बाच्न सफल

प्रदेश समाचार

Home
प्रदेश समाचार
माया हत्या आरोपीत सार्बजनिकः नेहाको पनि ज्यान लिने प्रयास, भागेर बाच्न सफल

माया हत्या आरोपीत सार्बजनिकः नेहाको पनि ज्यान लिने प्रयास, भागेर बाच्न सफल

बैतडी,
बैतडीको पञ्चेश्वर गाउँपालिका ४ फ्याउलीकी माया लुहारको हत्या आरोपीत सशस्त्र प्रहरी जवान शिवनाथ ४ सोल्पलाका भरतराम कोलीलाई प्रहरीले सार्बजनिक गरेको छ । आज दिउसो पौने ४ बजे जिल्ला प्रहरी कार्यालय बैतडीले पत्रकार सम्मेलनको आयोजना गरी आरोपीत कोलीलाई सार्बजनिक गरेको हो । कोलीलाई कञ्चनपुर प्रहरीले आइतबार बिहान १० बजे महेन्द्रनगर बसपार्कबाट नियन्त्रणमा लिएको थियो । उनलाई आइतबार राती नै बैतडी ल्याइएको हो । प्रारम्भिक अनुसन्धानबाट हत्या आरोपीत भरतराम कोलीले ११ गते नै मायाको मोवाइल नियन्त्रणमा लिएर भरतले आफ्नै घर लगेको र मोवाइलको निगरानी गरी १३ गते मोवाइल लिनको लागि मायालाई शिवनाथ ६ को नेपाल टेलिकमको टावर नजिकै बोलाएको खुलेको जिल्ला प्रहरी कार्यालय बैतडीका प्रमुख, प्रहरी नायव उपरिक्षक प्रेम बहादुर शाहीले जानकानरी दिए ।
भरतराम कोली र मायाबीच प्रेम सम्बन्ध रहेको र भरतरामले भेटका क्रममा अन्यलाई पनि प्रेम गरेको लाल्छना लगाउदै आफुसँगै भएको चक्कु प्रहार गरी हत्या गरेको खुलेको प्रहरी नायव उपरिक्षक शाहीले बताए । मायाको हतया गरीसकेपछि मायाँसँगै रहेकी नेहाले पनि घटनाबारे अन्यलाई जानकारी गराउने डरले नेहालाई पनि हत्या गर्ने प्रयासले घाटीमा छुरा प्रहारगरेको र नेहाले भागेर ज्यान जोगाएको बताइएको छ ।
१३ गते लुगा सिलाउन भन्दै माया आफ्नै भदै नेहा लुहारसँग कुलाउ बजार आएकी थिइन् । साँझ अबेरसम्म पनि घर नफर्किएपछि दुबैको खोजी भएको थियो । खोजी गर्दा भोलीपल्ट १४ गते बुधबार नेहा घाइते अवस्थामा भेटिएकी थिइन् भने मायाको हत्या गरिएको अवस्थामा टेलिकमको टावर नजिकै शव फेला परेको थियो ।
मृतक मायाका दाजु टिंकुराम लुहारले १५ गते भरतको नाममा किटानी जाहेरी दिएका थिए ।
भरतराम कोली सशस्त्र प्रहरी बल नेपाल हूल तथा दंगा व्यावस्थापन शिक्षालय पोखरामा कार्यरत हुन् । कोली मंसिर ७ गते विदामा घर खआएको खुलेको छ । मृत माया स्थानीय तहको निर्वाचन र प्रदेश तथा प्रतिनिधिसभा सदस्य निर्वाचनमा म्यादी प्रहरीको रुपमा कार्यरत थिइन् ।

प्रकाशित मिति: सोमबार, मंसिर १९, २०७९ १६:१५

प्रतिक्रिया दिनुहोस्