बैतडीमा समन्वय समितिको पहिलो चरणको अनुगमन सुरु

प्रदेश समाचार

Home
प्रदेश समाचार
बैतडीमा समन्वय समितिको पहिलो चरणको अनुगमन सुरु

बैतडीमा समन्वय समितिको पहिलो चरणको अनुगमन सुरु

बैतडी,
बैतडीमा जिल्ला समन्वय समितिले पहिलो चरणको अनुगमन सुरु गरेको छ । जिल्लाको १० वटै पालिकामा अनुगमन गर्न लागेको हो । आइतबार पञ्चेश्वर गाउँपालिकामा समन्वय समितिका प्रमुख सहितका पदाधिकारीसहित शिक्षा विकास तथा समन्वय इकाईका प्रमुख एवं प्रतिनिधिहरुले अनुगमन गरेका छन् । जिल्ला समन्वय समितिका प्रमुख खगेन्द्र सिंह धामी, उपप्रमुख दमन बहादुर कुवँर, जिल्ला समन्वय समिति सदस्य करन सिंह कठायत, शिक्षा विकास तथा समन्वय इकाई बैतडीका प्रमुख नरेन्द्र प्रशाद अवस्थी, शिक्षा विकास तथा समन्वय इकाईका सूचना अधिकारी पुष्करराज शर्मा लगायतको टोली अनुगमन गरीरहेको हो । पालिकाहरुमा भइरहेको कामकारवाही, सञ्चालनमा रहेको विकासका कामहरुको प्रगति लगायतको विषयमा अनुगमन भइरहेको समन्वय समितिले जनाएको छ । बैतडीका १० वटै पालिकामा क्रमागत अनुगमन गरिने पनि समन्वय समितिले जनाएको छ ।

No description available.
शिक्षासँग सम्बन्धित कार्यक्रमका बारेमा अनुगमन गरीरहेको शिक्षा विकास तथा समन्वय इकाई बैतडीका प्रमुख नरेन्द्र अवस्थीले जानकारी दिए । विद्यालय अनुगमन, बिद्यालय सञ्चालनमा हुनेगरेका समस्याका बिषयमा अुनगमन गरीन लागिएको उनले बताए । ‘यो पहिलो चरणको अनुगमन हो, शिक्षासँग सम्बन्धित कार्यक्रम र विद्यालय सञ्चालनका समस्याको पहिचान गर्न थालेका छौँ’ उनले भने ।
यसैगरी पालिकामा भइरहेका विकासका कामहरुको विवरण माग्ने काम भइरहेको समन्वय समिति प्रमुख खगेन्द्र सिंह धामीले बताए ।