पाटन बजारमा जमिन अतिक्रमण गरि बनाइएका संरचना हटाउन सूचना जारी

प्रदेश समाचार

Home
प्रदेश समाचार
पाटन बजारमा जमिन अतिक्रमण गरि बनाइएका संरचना हटाउन सूचना जारी

पाटन बजारमा जमिन अतिक्रमण गरि बनाइएका संरचना हटाउन सूचना जारी

बैतडी,
बैतडीको पाटन नगरपालिकाले ६ को पाटन बजारमा रहेका खोका छाप्रा हटाउन सूचना जारी गरेको छ । नयाँ शहरी विकास आयोजनाले बजारक्षेत्रमा सडक बाटो निर्माण गर्ने भएकाले नगर विकासको जमिन अतिक्रमणगरी बनाइएका खोका छाप्रासहतिका संरचनाहरु ३५ दिनभित्र हटाउन भनेको हो । यदि ३५ दिनभित्र संरचना नहटाएको पाइएमा नगरपालिकाले आफै हटाउने र अनाधिकृत संरचना हटाउन लाग्ने लागत सम्बन्धित संरचना बनाएका व्याक्तिले नै तिनुपर्ने समेत सूचनामा उल्लेख गरिएको छ ।

कार्यपालिकाबाट समेत निर्णय भएकाले कार्यान्वयनमा लगिने पाटन नगरपालिकाका निमित्त प्रमुख प्रशासकीय अधिकृत राजेन्द्र प्रशाद भट्टले जानकारी दिए ।
पाटन बजारमै रहेको पदम सिंह महराको घर पछाडीदेखि कित्ता नं २७४ सम्म बनाइएका अनाधिकृत संरचना हटाइने छन् । उक्त ठाउँमा नयाँ बसपार्कसम्म जाने स्तरीय सडक बाटो बन्नेछ ।
यसैगरी श्रीकृष्ण मेडिकल हलबाट बिमानस्थलसम्म जाने सडक निर्माणका लागि मेडिकल हलदेखि कित्ता नं १७१८ सम्म रहेको नगर बिकासको जमिनमा बनाइएका संरचनाहरु पनि हटाइने छन् ।
हालैमात्र नयाँ शहरी विकास कार्यालय पाटनले ५ करोडको टेण्डर आह्वान गरेको छ । बजार क्षेत्रबाट बसापार्क र विमानस्थलसम्म निर्माण गरिने छुट्टा छुट्टै सडक, पारी पटकनको सडकस्तरोन्नती, उदयदेव मन्दिर नजिकैको सडक स्तरोन्नती, बेडौतीसम्मको सडक निर्माणको लागि ५ करोड बराबरको टेण्डार आह्वान भइसकेको नयाँ शहरी विकास आयोजनाको कार्यालय पाटनकका प्रमुख रोहित भण्डारीले जानकारी दिए ।
आर्थिक वर्ष २०६७÷०६८ सालमा घोषणा भएको नयाँ शहरी विकासको कामले पछिल्लो समयमा गति लिने अपेक्षा गरिएको छ । पाटनमा मुख्य तया ल्याण्डपूलिङको काम अघि बढ्न नसक्दा नयाँ शहरको झल्को दिन सकेको छैन ।

प्रकाशित मिति: सोमबार, पुस ४, २०७९ १४:२५

प्रतिक्रिया दिनुहोस्