बैतडी
१२पौषमा दशरथचन्द नगरपालिका वडा न.४ भुलगाउँका केहि महिलाहरु रामपातल बनको बज्जुरेमा तरुल खनिरहेका थिए । सुरुमा उनिहरुले सुनको गाई सहित प्रष्टै देखिने मुर्ति देखे, केहि समयमै त्यहाँ ठुलो सर्प देखियो । महिलाहरु तर्सिएर त्यहाबाट अन्यत्रै लागे ।
उक्त कुरा महिलाहरुले घरमा सुनाएपछि स्थानिय जगन्नाथ मन्दीरका क्राकी नैनराम भूल सहित गाउँहरु भेला भए । त्यसपछि झाँक्रीले काँपेर जगन्नाथ प्रकट भएको बताएपछि भुलगाउँका करिव १सय घररिवार रामपातल पुगेर पुुजापाठ गरेकाछन् ।
जगन्नाथ देवता भुुल समुदायको कूल देवता हो । यसअघि भूलकै पुर्खाले जगन्नाथ देवता पाएको स्थानिय सेरुवा भूलले बताउछन् ।
देवता भेटिएको भनिएको ठाउँमा मन्दीर बनाउने सोच रहेको उनले बताए । अहिले आफ्नो समुदायका एकजना मिस्त्रीले सानो मन्दीर निर्माण गरिदिने बताएको भूलको भनाई छ ।
उनले भने,‘अहिले हामीसंग पैषा पनि छैन् कतैबाट बजेट जुटेमा ठुलो मन्दीर बनाउने छौँ । गाउँलेले श्रमदान गरेर सानै भएपनि मन्दीर स्थापना गर्ने सोचमा छौँ । नगरपालिका वा अन्य कुनै सरकारी निकायबाट योजना आएमा आभारी हुनेथियौँ ।’
बैतडीको रामपातलमा भगवान रामले बास बसेको बताइन्छ । उक्त जंगलमा भगवान रामले बास बस्नुका साथै नजिकैको सुुुतेगाडमा रानी सिताले नुहाएको र उक्त ठाउँको नाम सितागाड रहेको कुरा धार्मीक ग्रन्थ मानसखण्डमा उल्लेख छ ।
बैतडी जिल्ला सदरमुकाममा यसअघी २ओटा जगन्नाथ देवताका मन्दीर छन् भने अब तेश्रो मन्दीर स्थापना हुने भएको छ ।
