बैतडी :केदार मावि कठमडाको ६२ औ बार्षिकोत्सव कार्यक्रम

प्रदेश समाचार

Home
प्रदेश समाचार
बैतडी :केदार मावि कठमडाको ६२ औ बार्षिकोत्सव कार्यक्रम

बैतडी :केदार मावि कठमडाको ६२ औ बार्षिकोत्सव कार्यक्रम

kedar mavi.jpg

बैतडी

बैतडीको सुर्नया गाउँपालिका ७ कठमडामा रहेको केदार माध्यामिक विद्यालयको ६२ औ बार्षिकोत्सव सम्पन्न भएको छ । आइतबार विभिन्न साँस्कृतिक कार्यक्रमका बार्षिक उत्सव समारोह सम्पन्न भएको विद्यालयले जनाएको छ ।

विद्यालयका प्रधानाध्यपक उत्तर बहादुर कुवँरले ९६ लाख ३६ हजार ४०२ रुपया १० पैशा बराबरको आर्थिक आयव्यय प्रस्तुत गरेका थिए । कार्यक्रममा विभिन्न विद्यामा उत्कृष्ट विद्यार्थीहरु सम्मान पनि गरिएको विद्यालयका प्रधानाध्यापक उत्तर बहादुर कुवँरले जानकारी दिनुभयो ।

विद्यालय व्यवस्थापन समितिका अध्यक्ष राम बहादुर साउँदको सभाध्यक्षतामा सम्पन्न भएको कार्यक्रममा प्रमुख अतिथीमा सुर्नया गाउँपालिकाका अध्यक्ष अम्मर बहादुर कुवँर र बिशिष्ट अतिथीमा उपाध्यक्ष मन्जु महरा बोहराले रहनुभएको थियो ।

कार्यक्रमको सम्बोधन गर्दै विशिष्ट अथिती समेत रहेका गाउँपालिकाका प्रमुख प्रशासकीय अधिकृत हिमांशु भट्टले शिक्षा क्षेत्रको विकासका लागी आफुहरु लागीपरेको बताउनुभयो । शिक्षा क्षेत्र सधैँ स्थानीय सरकारको प्रमुख प्राथमिकतामा रहनुपर्ने बताउनुभयो । शिक्षाको गुणस्तरमा गाउँपालिकाले पहल गरिरहेको सुनाउदैँ उहाँले शिक्षा क्षेत्रको विकासले गाउँपालिकालाई दिर्घकालिन रुपमा सम्बृद्ध बनाउने बताउनुभयो ।

शिक्षामा गरिएको लगानीको प्रतिफल ढिलो प्राप्त भएपनि उपलब्धीमूलक हुने उहाँको भनाई छ ।

प्रकाशित मिति: आइतबार, माघ ८, २०७९ १८:४८

प्रतिक्रिया दिनुहोस्