विद्यालयबाट महिनैपिच्छे प्रगति विवरण बुझाउनुप¥योः वडा अध्यक्ष कुवँर

प्रदेश समाचार

Home
प्रदेश समाचार
विद्यालयबाट महिनैपिच्छे प्रगति विवरण बुझाउनुप¥योः वडा अध्यक्ष कुवँर

विद्यालयबाट महिनैपिच्छे प्रगति विवरण बुझाउनुप¥योः वडा अध्यक्ष कुवँर

बैतडीको पाटन नगरपालिका १० का वडा अध्यक्ष धन बहादुर कुवँरले शैक्षिक गुणस्तर अभिवृद्धिका लागि अनुगमनको पाटो बलियो बन्नुपर्ने बताएका छन् । पाटन नगरपालिकाको शिक्षा साखाले खोडपे श्रोतकेन्द्रमा आयोजना गरेको प्रद्यानाध्यापकसँगको गोष्ठि कार्यक्रममा उनले विद्यालय अनुगमनको पाटो बलियो हुनुपर्ने र विद्यालयले समेत महिनै पिच्छे प्रगति विवरणको अप्डेट गर्नुपर्ने बताए ।
‘विद्यालयको शैक्षिक प्रगती के कस्तो छ, महिनै पिच्छे अध्यावधिक हुनुपर्छ, नगरपालिकाबाट पनि अनुगमनको पाटो बलियो हुनुपर्छ, वडा अध्यक्ष कुवँरले भने नगरपालिकाबाट दण्ड र पुरस्कारका अवधारणा कार्यान्वयनमा ल्याउनुपर्यो ।’
शैक्षिक गुणस्तर सुधारको सवालमा राम्रो गर्ने प्रतिनिधिलाई लाई पुरस्कारको व्यवस्था गर्नुपर्ने र गल्ती गर्ने प्रतिनिधिलाई दण्ड सजायको व्यवस्था कडाइका साथ लागु हुनुपर्ने अध्यक्ष कुवँरले बताए ।
यसैगरी वडा अध्यक्ष कुवँरले विषय शिक्षक र विद्यालय कर्मचारीहरुलाई पनि उचित तालिमको व्यवस्था हुनुपर्ने बताए । जनप्रतिनिधिहरुले गर्नुपर्ने सुधारको हकमा आफु सधैँ तयार रहेको पनि उनले बताए ।
पाटन नगरपालिका ८, ९ र १० का सामुदायिक विद्यालयका प्रद्यानाध्यापकसँगको गोष्टि कार्यक्रम पाटन ८ को श्रोतकन्द्र भवनमा आज सम्पन्न भएको हो ।
यस कार्यक्रममा पाटन नगरपालिकाा शिक्षा साखा प्रमुख लालित बहादुर पाण्डे, सामाजिक विकास समिति संयोजक एवं वडा नं ८ का वडा अध्यक्ष हरिश बिष्ट, वडा नं १० का वडा अध्यक्ष धन बहादुर कुवँर, तीन वटै वडामा रहेका सामुदायिक विद्यालयका प्रद्यानाध्यापकहरुको उपस्थिती रहेको थियो ।

प्रकाशित मिति: बुधबार, माघ १८, २०७९ २०:०३

प्रतिक्रिया दिनुहोस्