हिउँदे फलफूलका ६५ हजार बढी बिरुवा उत्पादन

प्रदेश समाचार

Home
प्रदेश समाचार
हिउँदे फलफूलका ६५ हजार बढी बिरुवा उत्पादन

हिउँदे फलफूलका ६५ हजार बढी बिरुवा उत्पादन

sukhkha phalphool baitadi image.jpg

सुख्खा फलफूल विकास केन्द्र सतबाँज बैतडीले यो बर्ष ६५ हजार बढी हिउँदे फलफूलका बिरुवाहरु उत्पादन गरेको छ । ओखर, स्याउ, नास्पती, आरु, कागजी बदाम लगायतका हिउँदे फलफूलका बिरुवाहरु आफ्नै नर्सरीबाट ६५ हजा ५२४ विरुवा उत्पादन गरिएको सुख्खा फलफूल विकास केन्द्र सतबाँज बैतडीका प्राविधिक साहयक अर्जुन खड्काले जानकारी दिनुभयो ।
सुख्खा फलफूल विकास केन्द्रका अनुसार यो बर्ष दाँते ओखर (विजु ) का ३७ हजार ८८२ , कलमी ओखरका २ हजार ४४४, स्याउ ३ हजार ४९०, आरु ४ हजार ४७६ विरुवा उत्पादन गरेको हो । यस्तै नास्पती ४ हजार ३७६ , आरुबोखडा ५ हजार ३३७, खुरपानी ४ हजार ४८४, कागजी बदाम १ हजार ७३० , कटुस् २००, हिजलवट १ हजार विरुवा गरी ६५ हजार ५२४, होचो जातको स्याउ १०५ विरुवा उत्पादन गरेको जनाइएको छ । उत्पादीत विरुवा मध्ये १६ बढी विरुवा विक्री भैसकेको छन् भने बाँकी रहेका विरुवाको अडर आइसकेको केन्द्रले जनाएको छ ।
आगामी बर्ष ५० हजार विरुवा उत्पादन गर्ने सुख्खा फलफूल विकास केन्द्र सतबाँज बैतडीले जनाएको छ । जलवायु परिवर्तनका कारण स्याउको उत्पादन हुन छाडेपछि सुख्खा फलफूल विकास केन्दले ४ हेक्टर क्षेत्रफलमा हिउँदे तथा बर्खे फलफूलका बिरुवाहरु उत्पादन गर्दै आएको उहाँले बताउनुभयो । बाँकी रहेको ठाउँमा फलफूल बगैँचा स्थापना गरिएको खड्काले जानकारी दिनुभयो । फलफूल बगैँचा भित्र अन्तर बाली खेती अन्तर्गत विभिन्न तरकारी पनि उत्पादन गरीरहेको सुख्खा फलफूल विकास केन्द सतबाँज बैतडीले जनाएको छ ।
सुख्खा फलफूल विकास केन्द्र जिल्लाका किसानहरु संगै जिल्ला बाहिर समेत निर्यात गर्ने गरेको छ । प्राविधिक साहयक खड्काका अनुसार केन्द्रले उत्पादन गरेका विरुवाहरु सुदूरपश्चिमका पहाडी जिल्ला सहित काठमाण्डौबाट समेत माग आउने गरेको छ ।
गत बर्ष उत्पादन अनुसारका सबै विरुवाहरु बिक्री नहुँदा राजस्व संकलनमा पनि आएको थियो । गत बर्ष उत्पादन गरिएको विरुवा मध्ये २४ हजार विरुवा विक्री नहुँदा राजस्व संकलनमा पनि कमी आएको सुख्खा फलफूल विकास केन्द्र बैतडीका प्रमुख डम्बर सिह भाटले बताउनुभयो । गत बर्ष २४ हजार विरुवा बिक्री नहुँदा राजस्व संकलनमा कमी आएको हो । यसपालि केही विरुवा विक्री भैसकेका छन् । बाँकीको पनि अडर आएको हुनाले राजस्व संकलनमा पनि वृद्धि हुन्छ, उहाँले भन्नुभयो ।

प्रकाशित मिति: शनिबार, माघ २८, २०७९ ०८:३९

प्रतिक्रिया दिनुहोस्