बैतडीको पाटनमा दीप प्रज्वलन गरेर जनयुद्ध दिवस मनाइयो

प्रदेश समाचार

Home
प्रदेश समाचार
बैतडीको पाटनमा दीप प्रज्वलन गरेर जनयुद्ध दिवस मनाइयो

बैतडीको पाटनमा दीप प्रज्वलन गरेर जनयुद्ध दिवस मनाइयो

बैतडीको पाटनमा जनयुद्ध दिवसको असरमा गरिएको दीप प्रज्वलन कार्यक्रम, तस्बिरः उपप्रमुख कमल बोहरा

बैतडीमा पनि जनयुद्ध दिवस मनाइएको छ । विभिद कार्यक्रमका साथ जनयुद्ध दिवस मनाइएको हो । पाटन नगरपालिका ६ को पाटन बजारमा दीप प्रज्वलन सहित सुभकामना आदानप्रदान गरेर जनयुद्ध दिवस मनाइएको वडा नं ८ का वडा अध्यक्ष हरिश बिष्टले जानकारी दिए । जनयुद्धले पु¥याएको योगदान स्वरुप दीपप्रज्वलन सहित कार्यक्रम गरिएको बिष्टले बताए । कार्यक्रममा सहभागि प्रतिनिधिहरुले जनयुद्धबाट प्राप्त व्यवस्थाको सुदृढिकरणम जोड दिएका थिए ।

पाटन नगरपालिकाका नगर प्रमुख गौरी सिंह रावल, उपप्रमुख कमल सिंह बोहरा, जिल्ला समन्वय समितिका सदस्य प्रेम सिंह भाट, खेलकुद विकास समितिका अध्यक्ष चमन कुमार भण्डारी, वडा नं ६ का वडा अध्यक्ष राजेन्द्र सिंह बिष्ट, वडा नं ८ का वडा अध्यक्ष हरिश बिष्ट, वडा नं ९ का वडा अध्यक्ष कालु सिंह भाट लगायतका जनप्रतिनिधि, नगरपालिकाका कर्मचारी, बिभिन्न राजनितिक दलका प्रमुख एवं प्रतिनिधिहरुको सहभागितामा दीप प्रज्वलन सहित जनयुद्धको योगदानबारे चर्चा गर्दै यो दिवस मनाइएको हो ।
अन्य स्थानीय तहहरुमा चियापान कार्यक्रम सहित सुभकामना आदानप्रदान कार्यक्रम गरेर जनयुद्ध दिवस मनाइएको थियो । पुर्चाैडी नगरपालिकामा आज बिहान चियापन कार्यक्रमसहित सुभकामना आदान प्रदान गरेर दिवस मनाइएको छ । जिल्लाका सबै स्थानीय तहहरुमा जनयुद्ध दिवस मनाइएको नेकपा माओवादी केन्द्रका जिल्ला संयोजक शंकर भण्डारीले बताए ।
वि.सं २०५२ फागुन १ गतेबाट सुरू भएको १० वर्षे जनयुद्ध २०६३ मंसिर ५ गतेको विस्तृत शान्ति सम्झौतासँगै टुंगिएको थियो । १० वर्षे जनयुद्धपछि देशमा व्यवस्था नै परिवर्तन भएको हो । २४० वर्षको राजतन्त्र ढाल्दै मुलुक संघीय लोकतान्त्रिक गणतन्त्रमा प्रवेश गरेको थियो ।