पाटनले भारत जाने कामदारका लागि ५ लाखको बीमा गर्दै

प्रदेश समाचार

Home
प्रदेश समाचार
पाटनले भारत जाने कामदारका लागि ५ लाखको बीमा गर्दै

पाटनले भारत जाने कामदारका लागि ५ लाखको बीमा गर्दै

बैतडी,
बैतडीको पाटन नगरपालिकाले आप्रबासी कामदारहरुको लागि बीमा कार्यक्रम अघि बढाएको छ । रोजगारीको सिलसिलामा भारतमा रहकोहरुको बीमा गर्न लागेको हो । आवधिक रोजगारीको क्रममा भारतमा रहेकाहरुको सुरक्षाको लागि नगरपालिकाले बीमा कार्यक्रमको अवधारणा ल्याएको नगर प्रमुख गौरी सिंह रावलले जानकारी दिए । आवधिक रुपमा भारतमा काम गर्ने कामदारहरुको वार्षिक दुर्घटना बिमा गर्ने अभियानको थालनी गरिएको उनले बताए । भारत जाने कामदारहरुको तथ्याङ्क समेत उपलब्ध नहुने अवस्थामा पाटन नगरपालिकाले भने नगरपालिकाका सबै आप्रवासी कामदारको बीमा कार्यक्रम अघि सारेको हो ।
‘भारतमा रोजगारीका लागि गएका कामदारहरुको ५ लाख सम्मको दुुर्घटना बीमा गर्ने अभियानको सुरुवात गरेका छौँ, कुनै दुर्घटनामा परेका अवस्थामा सोही बीमाबाट निशुल्क उपचार हुन्छ,’ नगर प्रमुख रावलले भने । रोजगारीको लागि भारत गएकाहरुको अविभावकत्व ग्रहण गर्न लागिएको नगरपालिकाले जनाएको छ । रोजगारीको लागि भारत जाने कामदारहरुले सूर्याज्योती लाईफ इन्स्युरन्स कम्पनीमा बिमा गर्ने छन् । प्रत्येक वडा कार्यालयबाटै बिमा भर्न सक्ने व्यवस्था मिलाइएको छ । यहि फागुन ११ गतेबाट वडा कार्यालयबाट बिमा भर्न सक्ने छन् ।
स्थानीयस्तरमा रोजगारीको कुनै अवसर नभएपछि युवाहरु रोजगारीका लागि भारत जाने गरेका छन् । रोजगारीको क्रममा बिभिन्न कारणबाट दुर्घटनामा परी अंगभंग हुने र समेत हुने गरेको छ ।
दुर्घटनामा परेकाहरुको निशुल्क उपचारको व्यवस्था गरिनुका र बीमाको नियमाअनुसार सेवा सुबिधा प्रदान गरिने नगरपालिकाका उपप्रमुख कमल सिंह बोहराले बताए । नगरपालिकाले यस सम्बन्धी कार्यबिधि तयार पारेको छ ।
ग्रामीण विकास एवं वातावरण व्यवस्थापन समाज (रुडेस) बैतडीको साजेदारीमा यो कार्यक्रम अघि बढाइन लागिएको नगरपालिकाले जनाएको छ । रोजगारीका लागि भारतमा रहेकाहरुको परिवारले समेत बिमा भर्न सक्ने छन् । बीमाकै लागि पहिलो किस्ता भर्न चालु आर्थिक वर्षमा नगरपालिकाले ५ लाख बजेट बिनियोजन गरेको छ भने साजेदारी निकाय रुडेसले १ लाख ९३ हजा रुपैया आर्थिक सहयोग गरेको छ । पाटन नगरपालिकामा १५ सय भन्दा बढी नागरीक आवधिक रोजगारीको लागि भारतमा रहेको नागरपलिकाले जनाएको छ । सबैलाई यस कार्यक्रममा समेट्ने लक्ष्य रहेको छ ।
नगरपालिकाले यस सम्बन्धी कार्यबिधि नै पारीत गरेको छ । रोजगाराीका क्रममा अंगभंग भएका परिवारलाई आर्थिक सहुलियत प्रदान गर्नुका साथै आयआर्जनका कार्यक्रममा समेट्ने कार्यबिधिमा उल्लेख गरिएको छ ।
वडा कार्यालयमै गएर बिमा भर्न सक्ने प्रबन्ध मिलाइएको छ । वडा कार्यालयबाट भारतमा रहेकाहरुको तथ्याङ्क संकलन समेत गरिएको र सोही अनुसार बीमा भर्ने काम सुरु भएको वडा नं ८ का वडा अध्यक्ष हरिश बिष्टले बताए । ‘यहाँबाट धेरै युवाहरु रोजगारीमा जाने गरेका छन्, उनिहरुको अभिलेख पनि समेटेका छौँ, बिष्टले भने, घाइते वा मृत्यु भएका परिवारलाई आयआर्जनमुलक कार्यमा समेट्ने योजनामा छौँ,’ बिष्टले भने ।

प्रकाशित मिति: शनिबार, फागुन ६, २०७९ ०९:५८

प्रतिक्रिया दिनुहोस्