बैतडी ।
बुधवार बैतडीका स्थानियतहहरुले श्रमीक महिला दिवस अर्थात नारी दिवस मनाएका छन् । नारी दिवसका अवसरमा गरिएका औपचारीका कार्यक्रमहरुमा औपचारीकता निभाउने कार्य मात्रै नभई कहि रचनात्मक क्रियाकलाप समेत देखिए ।
जिल्लाको दशरथचन्द नगरपालिका–४ स्थीत गोठलापानी बजारमा मनाइएको नारी दिवसमा सुदुरपश्चिमको महान गौरा पर्वका झलकहरु प्रस्तुत गरिए । गौरा पर्वमा खेलिने डेउडा खेल लाई प्रतियोगीताक्र रुपमा राखिएको थियो भने, गौरामा जस्तै गौरादेवीलाई मञ्चमा उतारीयो ।
गौरापर्वमा महिलाहरु बढी सक्रिय रहन्छन् । सोही कारण नारी दिवसमा उनिहरुले आफ्नो लोक कला संस्कृतिहरुलाई दर्शाएको सुनाए । कलाका माध्यमबाट जनचेतना फैलाउन खोजिएको महिला अधिकारकर्मीहरुको भनाई थियो ।
आफुहरु महिला अधिकारका लागिमात्रै नभई समानताको लडाईमा सक्रिय रहेको अधिकारकर्मी देवु ठगुन्नाले बताइन् । उनले भनिन्, ‘हामीले महिला अधिकारका लागि हो भन्दै जे पायो त्यहि गर्न खोज्दा कुनै निर्दोश पुरुषलाई पीडा त दिइरहेका छैनौँ?, यो कुरा सबैले मनन गर्नु जरुरी छ । महिला, दलित, अपांगता भएका व्यक्ति सबैको अधिकार सुनिश्चीत हुनु जरुरी छ । यसका लागि हामी सबैले सकारात्मक सोचको विकास गरौँ ।’
कार्यक्रममा पुर्व मन्त्री मायाँ भट्ट, दशरथचन्द नगरपालिकाका मेयर पुष्करराज जोशी लख्खाभाई, अन्य जनप्रतिनिधि, राजनितिकर्मी, अधिकारकर्मी र उलेख्य महिलाहरु सहभागी थिए ।
जिल्लाको पाटन, पञ्चेश्वर लगायतका सबैजसो पालिकाहरुले श्रमीक महिला दिवसका अवसरमा जनचेतनामूलक कार्यक्रमहरु गरेकाछन् ।
जिल्लाकै जेष्ठ महिला अधिकारकर्मी कृष्णा कुमारी पुन लाई दशरथचन्द नगरपालिकाका तर्फबाट नगद ५हजार सहित सम्मान गरिएको छ । उनले अहिले धेरै अधिकारहरु प्राप्त भैसकेको र समाजको दृष्टीकोण परिवर्तन भएको बताइन् । उनले भनिन्,‘हामीहरु अधिकारका क्षेत्रमा अग्रसर हुदाँ वा महिलाले स्कूल पढ्छु भन्दा समेत समाजले बेस्या भन्दथ्यो । अहिले धेरथोर परिवर्तन भएको छ तर आमुल परिवर्तनका लागि संर्घष जरुरी नै छ ।’ 
