बैतडीको पाटन नगरपालिका–८ मा वडास्तरीय परीक्षा हुने

प्रदेश समाचार

Home
प्रदेश समाचार
बैतडीको पाटन नगरपालिका–८ मा वडास्तरीय परीक्षा हुने

बैतडीको पाटन नगरपालिका–८ मा वडास्तरीय परीक्षा हुने

बैतडी,
बैतडीको पाटन नगरपालिका ८ मा कक्षा ५ को वडास्तरीय परीक्षा सञ्चालन हुने भएको छ । आज वडा कार्यालयमा बसेको वडास्तरीय शिक्षा समितिको बैठकले कक्षा ५ को वडास्तरीय परीक्षा सञ्चालन गर्ने निर्णय गरेको हो । वडास्तरीय परीक्षा सञ्चालनको लागि जनता मावि आरुबाटाका प्रद्यानाध्यापक रामबहादुर कुवँरको संयोजकत्वमा समिति गठन गरिएको वडा अध्यक्ष हरिश बिष्टले जानकारी दिए ।
परीक्षालाई मर्यादित बनाउनको लागि वडा अध्यक्ष हरिश बिष्टको संयोजकत्वमा अनुगमन समिति समेत गठन गरिएको छ ।
कक्षा ८ को परीक्षा नगरस्तरीय सञ्चालन भइरहेको अवस्थामा कक्षा ५ को परीक्षा भने वडास्तरीय गरिन लागिएको हो । यसले शैक्षिक गुणस्तर अभिबृद्धिमा टेवा पुग्ने उदेस्य रहेको छ । चैत्र ५ गतेदेखि परीक्षा सञ्चालन हुने छ । पाटन–८ मा ४ वटा विद्यालयहरु रहेका छन् । भोलीदेखि वडास्तरीय शिक्षा समितिले प्रश्नपत्र निर्माण देखि अन्य आवस्यक प्रक्रिया सुरु गर्ने वडा अध्यक्ष बिष्टले बताए ।
वडास्तरीय परीक्षा सम्पन्न पश्चात विषय शिक्षक छनौट गरि उत्तरपुस्तिका वडा कार्यालयमा चेकजाँच हुनेछन् । त्यसपछि वडामा चेकजाँच गरिएको उत्तरपुस्तिकाको समपरिक्षण पनि गरिने छ । पाटन नगरपालिकाबाटको शिक्षा साखाको समन्वयमा समपरीक्षण गरी नतिजा प्रकाशनको तयारी थालिने वडा अध्यक्ष बिष्टले बताए ।

वडास्तरीय परीक्षा सञ्चालनले आगामी शैक्षीकसत्रमा आवस्यक शैक्षिक कार्यक्रम ल्याउनको लागि पनि वडास्तरीय शिक्षा समितिलाई सहज हुने बताइएको छ ।
अगामी शैक्षिकसत्रदेखि कक्षा १ देखि ९ सम्म नै नगरस्तरीय परीक्षाको तयारीबारे आन्तरीक छलफल थालिएको छ । सकेसम्म सबै कक्षाको नगरस्तरीय परीक्षा गर्ने तयारीमा छौँ, वडा अध्यक्ष बिष्टले भने, नभए सबै कक्षाको वडास्तरीय परीक्षा सञ्चालन गर्छाैँ, वडा अध्यक्ष बिष्टले भने ।
यसबाट प्राप्त परीक्षाफलको नतिजाले विद्यार्थी, शिक्षक, अविभावक र सरोकारवाला निकाय जिम्मेवार बन्न प्रेरीत गर्ने विश्वास गरिएको छ ।

प्रकाशित मिति: शुक्रबार, फागुन २६, २०७९ १७:४१

प्रतिक्रिया दिनुहोस्