बैतडी
बैतडीको डिलाशैनी गाउँपालिका अध्यक्ष सन्तोष प्रकाश जोशीले गाउँपालिकाको काम प्रति रहेका हरेक प्रकारका गुनासोको सुनुवाई हुने बताएकाछन् । बिहिबार गाउँपालिकामा आयोजीत सार्वजनिक सुनुवाई कार्यक्रमका क्रममा उनले सबै नागरिकलाई प्रश्न गर्ने अधिकार भएको भन्दै आशंका भएका बिषयमा प्रश्न गर्न आग्रह गरे ।
उनले भने,‘सामाजिक सञ्जालबाट भ्रम फैलाउनु भन्दा गुनासो लिएर हामीकहाँ आउनुस्, कतिपय फेक आइडीबाट भ्रम फैलाएको पाइन्छ, तर केहि समयपछि उक्त आइडी आफै बन्द हुन्छ । हामी अघिल्ला बर्षमा भएका कामहरुमा अनियमितता भए त्यसलाई निरन्तरता नदिन सक्छौँ यस्ता कुरामा गुनासो गरेर फाइदा छैन् । वास्तविक जनहितको काममा भएका कमजोरी बताउनुस तत्काल सच्याइन्छन् ।’
उनले खोनेपानी, अस्पताल, बैंक, विद्युत, सञ्चार सेवा र सडक सुविधा सबै जनताका लागि सहज हुनेगरी विस्तार गरिने प्रतिवद्धता व्यक्त गरे । विगतमा केहि कामको सुरुवात भएपनि आर्थिक अनियमितताका प्रसस्ता ठाउँहरु देखिएकाले काम रोकिएकोमा छिटै सहि तरिकाबाट सुचारु हुने बताए । उनले गाउँपालिकामा १पैषाको आर्थिक अनियमिमता हुन नदिने दावी गरे ।
अध्यक्ष जोशीले सुशासन, पारदर्शिता र जवाफदेहिताका लागि आफु पुर्ण प्रतिवद्ध रहेको बताए । केहि कर्मचारीको करार थप नगरेर आफ्ना मान्छेहरुलाई कर्मचारी बनाएको गुनासो सम्बोधन गर्दै जोशीले भने,‘कर्मचारी दक्षताको आधारमा भर्ना गरिन्छ । परिक्षामा फेल हुने अनि सोर्शफोर्स लगाएर काम गर्न खोज्ने, यस्तो मिल्दैन् । केही सहयोगी कर्मचारी विश्वासिला चाहिन्छन्, त्यसमा आफ्नो मान्छे राखेको आरोप लाग्नु राम्रो होइन् तर प्रतिस्प्रधाबाट आउनुपर्ने कर्मचारीहरु दक्ष नै चाहिन्छन् ल्याउछौँ ।’
स्वतन्त्र उम्मेदवार बनेर अध्यक्ष निर्वाचीत भएका जोशीले आफुहरु अहिले कुनैपनी पार्टीमा आवद्ध हुने मनस्थीतिमा नरहेको बताए । उनले भने,‘हामी रबी लामिछानेको जस्तो स्वतन्त्र पार्टी होइनौँ, स्वतन्त्र जनप्रतिनिधी हौँ, थियौँ र रहनेछौँ । काम गर्ने सवालमा कसैलाई काखापाखा गरिदैन् ।’
कर्मचारीहरु गाउँपालिका केन्द्रमा नभेटिने गरेको गुनासो सम्बोधन गर्दै उनले अहिले केहि समस्या भएपनि निकट भविष्यमै सबै कर्मचारीले परिवार सहित बस्न सक्ने व्यवस्था हुने र उक्त समस्या दिर्घकालिन रुपले समाधान हुने बताए । ‘गुणस्तरीय शिक्षा, स्वास्थ्यसेवा, मनोरञ्जनका माध्यमहरुको व्यवस्था भएपछि कर्मचारी यस ठाउँमा नबस्ने समस्या सधैँका लागि अन्त्य हुन्छ, हामी त्यो समस्या हटाउछौँ । अध्यक्ष जोशीले भने ।’
गाउँपालिकाले आयोजना गरेको सार्वजनिक सुनुवाई कार्यक्रमको सहजीकरण गोकुलेश्वर दार्चुला स्थीत वाइड ड्रिम मिडिया नेटवर्कले सजहीकरण गरेको थियो ।
