बैतडीमा प्याजको वीउ उत्पदानगरी लाखौँ आम्दानी

प्रदेश समाचार

Home
प्रदेश समाचार
बैतडीमा प्याजको वीउ उत्पदानगरी लाखौँ आम्दानी

बैतडीमा प्याजको वीउ उत्पदानगरी लाखौँ आम्दानी

बैतडी,
बैतडीको दशरथचन्द नगरपालिका २ को थलालगाउँ कृषि पकेट क्षेत्रको गाउँ हो । यहाँ मौसमी तथा बेमौसमी सबैखालका कृषि उपज उत्पदान हुने गरेको छ । विगत २ वर्षदेखि यहाँका किसानहरुले प्याजको वीउ उत्पादनगरी लाखौँ आम्दानी गर्ने गरेका छन् ।
एक कृषकले ६० किलोदेखि देखि १ क्वीन्टलसम्म प्याजको बिउ उत्पदानगरी उत्पदान गर्ने गरेका छन् । ३ हजार रुपैया प्रतिकिलोका दरले बिउ बिक्रि गर्ने गरेको स्थानीय किसान कुसुम थलालले बताइन् । बजारको समेत समस्या नरहेको उनले बताइन् । ‘२५ जनाको हाम्रो समुह छ, प्रत्येक महिलाले ६० किलोदेखि १ क्वीन्टलसम्म उत्पदान गर्दै आएका छौँ, सहकारीसँग सम्झौतागरी बिक्रि गर्छाै, बजारको समस्या छैन ।’ उनले भनिन् ।
साजेदारी निकाय रुडेस र अक्सफामको आर्थिक तथा प्राबिधिक सहयोगमा यहाँका किसानहरु प्याजको बिउ उत्पदान गरीरहेका छन् । गाउँमा २५ जना महिलाको कृषक समुह गठन गरी आवस्यक प्राबिधिक तथा आर्थिक सहयोग गरी किसानहरुलाई प्याजको बिउ उत्पदानमा सहयोगगरीरहेको रुडेस बैतडीका कार्यक्रम अधिकृत गोपाल भाटले जानकारी दिए । थलालगाउँका २५ जना महिलाले प्याजको वीउ उत्पदानबाट १२ देखि १५ लाख रुपैयासम्म आम्दानी गर्ने उनले बताए । यहाँ उत्पदान भएको प्याजको बिउ नार्कबाट समेत सर्टीफाइड गरिएको बिउ हो ।
अन्य खेतीको तुलनामा प्याजको वीउ उत्पदानबाट तेब्बरले फाइदा हुने गरेको अर्की किसान निरा थलालले बताइन् । ‘विगतमा तरकारी खानको लागि मात्रै प्याज लगाउथ्यौँ, गतवर्षदेखि प्याजको वीउ उत्पदान गर्ने गरेका छौँ, आम्दानी पनि बढेको छ,’ उनले भनिन् ।
सिचाईको सुबिधा भएको अवस्थामा व्यावसायिक खेती बृद्धि गर्न सकिने यहाँका किसानहरुले बताएका छन् । सिचाई प्रयाप्त नहुदा थप खेती गर्न नसकिएको मानमती बोहरा थलालले बताइन् । ‘सिचाई सुबिधा छैन, जनतेन तरकारी खेती गरीरहेका छौँ, सिचाई सुबिधा भएको अवस्थामा बिउ खेती अझै बढाउन सकिन्थ्यो,’ उनले भनिन् ।
मुहान अभावमा गाउँमा सिचाई पु¥याउन समस्या भइरहेको वडा नं २ का वडा अध्यक्ष सुर्य बहादुर बोहराले बताए । ‘सिचाईका लागि मुहान अभाव छ, लिफ्ट प्रबिधिबाट सिचाई सुबिधा पु¥याउनको लागि प्रदेश र संघीय सरकारबाट माग गरीरहेका छौँ,’उनले भने ।

प्रकाशित मिति: शनिबार, चैत ४, २०७९ ११:१७

प्रतिक्रिया दिनुहोस्