एक्कलोई लोकगीत गौन्या प्रतियोगितामाई बैतडीका भरतले झस्कायो डाको

प्रदेश समाचार

Home
प्रदेश समाचार
एक्कलोई लोकगीत गौन्या प्रतियोगितामाई बैतडीका भरतले झस्कायो डाको

एक्कलोई लोकगीत गौन्या प्रतियोगितामाई बैतडीका भरतले झस्कायो डाको

कैलाली जनपुस्तकालयको सभाहलमाई भयाको एक्कलोई लोकगीत गौन्या प्रतियोगितामाई बैतडी पुर्चौणीका भरत बोहोराले आफ्नो रुवस्या डाको झस्कायो हो। राष्ट्रिय लोकतथा दोहोरी गीत प्रतिष्ठान रे सुदूरपश्चिम प्रदेश सरकार सामाजिक विकास मन्त्रालयले एई प्रतियोगिताको चाँजोपाँजो मिलायो हो। कार्यक्रमको सभापतिमाई राष्ट्रिय लोकतथा दोहोरी गीत प्रतिष्ठान नेपालका सुदूर पश्चिम प्रदेश अध्यक्ष पूर्ण प्रसाद भाट, मुख्या पौना निवर्तमान सुदूरपश्चिम प्रदेश सरकार सामाजिक विकास राज्यमन्त्री माननीय टेक बहादुर रैका रे विशेष पौनामाई सुदूरपश्चिम प्रदेशका उपकुलपति डा. टि.एन जोसी लगायतका मान्स थ्या।

चैत पाँछ गते एक्कै दिन चल्याको एई प्रतियोगितामाई शुदूरपश्चिम प्रदेशका नउई जिल्ला बठेई एकएक जना कलाकार सहभागीता होईरैथ्या।नौ जना सहभागी मध्ये पईल्लो स्थानमा कैलाकीका प्रकाश विश्वकर्मा, दोसरो स्थानमा कन्चनपुरका कुलेन्द्र परियार, तेसरो स्थानमा डडेल्धुराका अर्जुन चटौत रे शान्त्वनामा अछामका प्रदिप कुमार बि.क. भयाहन।

पईल्लो हन्यालाई २५,०००, दोसरो हन्यालाई २०,००० तेसरो हन्यालाई १५,००० रे चौथो हन्यालाई १०,००० रुप्या पुरुष्कार रे प्रमाण पत्तरकी पगडी बाद्या कार्यक्रमलै प्रतियोगितामा गर्यो। एक्कलोई लोकगीत गौन्या प्रतियोगितामाई मुल्याङ्कन गद्यामा वरिष्ठ लोकडेउडा गायक लालबहादुर थापा लगायतका मान्स रयाकी जानकारी गायक भरत बोहोराले बताया हो।

No description available.