बैतडीको पाटन विमानस्थल एक वर्षदेखि ठप्प, समिट एयरले उडान रद्ध ग¥यो

प्रदेश समाचार

Home
प्रदेश समाचार
बैतडीको पाटन विमानस्थल एक वर्षदेखि ठप्प, समिट एयरले उडान रद्ध ग¥यो

बैतडीको पाटन विमानस्थल एक वर्षदेखि ठप्प, समिट एयरले उडान रद्ध ग¥यो

बैतडी,
बैतडीका पाटन विमानस्थल एक वर्षदेखि ठप्प छ । यहाँ गतवर्षको चैत १० गते समिट एयरले उडान भरेको थियो । त्यसयता उडान हुन सकेको छैन । यात्रु अभावको कारण देखाउदै चैत्र १० गतेयता उडान नभरेको समिट एयरले अब उडान नभर्ने बताइसकेको छ ।
यात्रु नभएकै कारण समिट एयरले धनगढी–पाटन उडान लगभग स्थगित गरिदिएको समिट एयरका बैतडी प्रतिनिधि कृष्णदत्त भट्टले जानकारी दिए । भाडा बढेकाले पनि यात्रुहरु पाउन छाडेपछि उडान नभरेको उनले बताए । ‘भाढा बढेको छ, यात्रु भेटिदैनन, अब रद्ध भइसकेको हो, अब समिट एयरले धनगढी–पाटन उडान भर्दैन,’ उनले भने । पाटनदेखी धनगढी पुग्न १७ मिनेटको हवाइ यात्रा छ । भाडा भने ५ हजार तोकिएको छ । समिटले प्रत्येक बिहिबार उडान भर्दै आएको थियो ।
नियमित रुपमा यात्रुहरुले नपाउँदा समिट एयरलाइन्सले उडान भर्न छोडेको धनगढी विमानस्थलका प्रमुख रामकृष्ण भट्टले बताउछन् । ‘धनगढीबाट पाटन जादा समेत प्लेन भरिदैन, त्यसैले समिटले उडान भरेको छैन,’ विमानस्थल प्रमुख भट्टले भने, ‘समिटले यात्रु नपाएकै कारणले उडान भरीरहेको छैन,’ उनले भने ।
द्धन्दकालका बेला विमानस्थलका संरचनामा आगजनी गरि ध्वस्त भएपछि २०५२ सालयता पुर्णरुपमा विमानस्थल बन्द रहेको थियो । २६ बर्षपछि २०७७ असोज १७ गते समिट एयरले नै परिक्षण उडान गरेको थियो । सोही दिन तत्कालित पर्यटन मन्त्री योगेश भट्टराईले बैतडीको पाटनसहित डोटीको दिपायल र बझाङको देवल बिमानस्थलको उद्घाटन गरेका थिए । विमानस्थल उद्घाटन समारोहमा बोल्दै तत्कालिन मन्त्री भट्टराईले सुदूर पहाडमा नियमित उडान हुने बताएका थिए ।
नियमित उडान नहुने र भाडा पनि महँगो भएको हुनाले यात्रु पाउन मुस्किल हुने गरेका सेवाग्राहीको भनाइ छ। ‘नियमित उडान हुने ठेगानसमेत हुँदैन, कहिले आउने कहिले नआउने, भाडा पनि महँगो भयो,’ पाटनका निवर्तमान मेयर केशव बहादुर चन्दले भने ।

११ करोड लागतमा निर्माण सम्पन्न भएको बिमानस्ल ठप्प छ । ५ करोड लागतमा हालैमात्र ट्रमिनल भवन समेत बनीसकेको छ । राज्यले करोडौ लगानी गरेर निर्माण गरेका संरचनाहरु प्रयोग बिहिन छन् ।
भाडा समायोजन गरी यात्रुहरुको सहजताका लागि नियमित उडान भर्नुपर्ने अर्का स्थानीय चमन कुमार भण्डारी बताउछन् । ‘१७ मिनेटको हवाई दुरीमा ५ हजार भाडा धेरै हो, समायोजन गरेर नियमित सञ्चालन गर्न सके हज हुन्थ्यो, यात्रुपनि भेटिन्छन्,’ उनले भने ।
चैत्र १० गतेको पछिल्लो अन्तिम उडानका बखत ४ हजार ५ सय रुपैयाँ भाडा कायम भएको थियो। त्यसपछि भाडा ५ हजार कायम गरिएको छ । भाडा निरन्तर बढ्दै गएका कारण यात्रुहरु भेटन छाडेका हुन् । २०७७ असोज १७ गते पहिलो पटक उडान भरेको समिट एयरले केहि महिना ३८ सय रुपैया भाडा कायम गर्दै उडान भरेको थियो ।
२०५२ सालदेखि बन्द रहेको पाटन विमानस्थल ११ करोडको लागतमा २०७७ मा निर्माण सम्पन्न भएको हो । २० मिटर चौडाइ र ५८० मिटर लम्बाइ रहेको धावनमार्ग र घेरपर्खाल निर्माण गरिएको थियो । यसैगरी गत २०७८ भदौदेखि निर्माण सुरु गरिएको ट्रमिनल भवन समेत बनीसकेको छ । ४ करोढ ९७ लाख लागतमा ट्रमिनल भवन निर्माणको काम सम्पन्न भइसकेको निर्माण आयोजना कार्यालयका इन्जिनियर कबिन्द्र बज्राचार्यले जानकारी दिए । ‘गत भदौदेखि निर्माण सुरु गरका हौँ, हालै सम्पन्न भइसकेको छ, सञ्चारका आवस्यक अन्य उपकरण ल्याएर प्रयोगमा ल्याउन सकिन्छ,’ इन्जिनियर बज्राचार्यले भने ।

प्रकाशित मिति: बिहीबार, चैत ९, २०७९ ०९:५३

प्रतिक्रिया दिनुहोस्