पाटनमा विद्यालय मर्ज र दरबन्दी मिलानको विषय अन्तिम चरणमा, नयाँ शैक्षिकसत्रमा कार्यान्वयन

प्रदेश समाचार

Home
प्रदेश समाचार
पाटनमा विद्यालय मर्ज र दरबन्दी मिलानको विषय अन्तिम चरणमा, नयाँ शैक्षिकसत्रमा कार्यान्वयन

पाटनमा विद्यालय मर्ज र दरबन्दी मिलानको विषय अन्तिम चरणमा, नयाँ शैक्षिकसत्रमा कार्यान्वयन

patan school marge.jpg

बैतडीको पाटन नगरपालिकाले विद्यालय समायोजन तथा शिक्षक दरबन्दी मिलानको तयारी तिब्र पारेको छ । नयाँ शैक्षिकसत्र नजिकिएसँगै नगरपालिकाले विद्यालय समायोजन तथा दरबन्दी मिलानको विषयलाई अन्तिमरुप दिन थालेको हो ।
विद्यालय समायोजन तथा शिक्षक दरबन्दी मिलानको लागि आवस्यक अनुगमन गर्न गठन गरिएको कार्यदलले समायोजन हुने विद्यालय र शिक्षकको सुचि तयार पारेको छ । समाजिक विकास समिति संयोजक हरिश बिष्टको नेत्तृत्वमा रहेको कार्यदलको बैठक आइतबार बसेको थियो । उक्त बैठकबाट समायोजन हुने विद्यालय र शिक्षक दरबन्दी मिलानको सुची तयार भइसकेको छ । यसअघि कार्यदलले नगरपालिकाका विद्यालयमा अनुगमन गरेको थियो ।
अनुगमनको प्रतिबेदनसहित शिक्षक दरबन्दीको सुची र विद्यालय समायोजनको सुचीको अन्तिमरुप तयार पारिएको समाजिक समिति संयोजक एवं कार्यदलका अध्यक्ष हरिश बिष्टले जानकारी दिए । कार्यदलले टुंग्याएको सुची नगरपालिकाको शिक्षा समितिमा पेश गर्र्ने र शिक्षा समितिबाट अनुमोदन गरेपश्चात कार्यपालिकाबाट निर्णय गरी कार्यान्वयनको चरणमा लैजाने बिष्टले बताए ।
शिक्षा समिति र कार्यपालिकाको बैठक यहि चैत २५ गतेभित्रै बसाल्ने र नयाँ शैक्षिकसत्रदेखि विद्यालय समायोजन र शिक्षकहरुको दरबन्दी मिलानको विषय कार्यान्वयनमा लैजाने कार्यदलका सदस्य एंव वडा नं १० का वडा अध्यक्ष धन बहादुर कुवँरले जानकारी दिए । विद्यालय समायोजन र दरबन्दी मिलानको सुची भने सार्बजनिक गरिएको छैन । शिक्षामा आमुल परिवर्तनको लागि नगरपालिकाले नयाँ शैक्षिकसत्रदेखि यो प्रक्रिया अघि बढाइएको उनले बताए । शिक्षा समितिको बैठक र कार्यपालिकाको बैठकपछि मात्रै सुचि सार्बजनिक गरिने बताइएको छ ।
विद्यालय समायोजन र दरबन्दी मिलानको विषयमा कार्यदलले प्रक्रियागत तरिकाले अनुगमन, बहस छलफल र सम्बन्धीत निकायसँग समन्वय गरि कार्यान्वयनको चरणमा लैजान लागिएको पनि नगरपालिकाले स्पष्ट पारेको छ ।
यसैगरी नयाँ शैक्षिकसत्रलाई शैक्षिक वर्षको रुपमा घोषणा गर्ने पनि नगरपालिकाको तयारी छ । नगरपालिकाको शिक्षा साखा प्रमुख ललित बहादुर पाण्डेयका अनुसार आगामी १० वर्षको शैक्षिक योजना पनि बनाउन लागिएको छ ।

प्रकाशित मिति: सोमबार, चैत २०, २०७९ २०:१०

प्रतिक्रिया दिनुहोस्