२० बर्षदेखी औषधीको बलमा जिवन गुजार्दै बल बहादुर

प्रदेश समाचार

Home
प्रदेश समाचार
२० बर्षदेखी औषधीको बलमा जिवन गुजार्दै बल बहादुर

२० बर्षदेखी औषधीको बलमा जिवन गुजार्दै बल बहादुर

बैतडी ।
बैतडीको दशरथचन्द नगरपालिका १ देउमडाका बल बहादुर चन्द २० बर्षदेखी नियमीत औषधीको भरमा बाँचीरहेका छन् ।

मानसिक स्वास्थ्य समस्या खेप्दै आएका उनले नियमीत औषधी सेवन गर्नु परेको हो । २७ बर्षको उमेर देखी औषधी सेवन सुरु गरेका उनको औषधीमा मासिक ४हजार खर्च हुने गरेको छ । औषधी नियमीत खरिद गर्नु परेपनी उनको नियमीत आयश्रोत केहि छैन् ।

हालसम्म उनलाई औषधीका लागी स्थानिय जंग बहादुर चन्द र भुपेन्द्र चन्दले आर्थीक सहयोग गर्दै आएकाछन् ।

उनको घरमा श्रीमती र २छोराछोरी रहेकाछन् । छोरी १२ बर्षकी छन् भने, छोरा बर्षका छन् । बल बहादुरको जिवनयापनका लागी आर्थिक उपार्जनको कुनैपनी श्रोत छैन् ।

बल बहादुर आफुलाई सञ्चो भएको दिन मजदुरी गरेर घरपरिवार सञ्चालन गर्ने गर्दछन् । उनले भने,‘औषधी खान पाएको दिन सञ्चो लाग्छ र त्यसदिन काम गर्न सक्छु र परिवारमा खान पुग्छ तर औषधी खान नपाएपछी केहि काम गर्न सक्दैन् । औषधी खान नपाए होसमा समेत हुदैँन् । औषधी खरिद गर्न समस्या भैरहेको छ ।’

चन्दले आफु एक्लै हुदाँ वा बढी भिडभाडमा जादाँ अत्याधिक डर लाग्ने गरेको बताए । आफ्नो उपचारमा कुनै सरकारी निकायबाट सहयोग भएमा आभारी हुने उनको भनाई छ । बिहिबार दशरथचन्द नगरपालिकामा पुगेका चन्दलाई नगरपालिकाले ५हजार उपचार खर्च सहयोग गरेको छ ।

प्रकाशित मिति: बिहीबार, चैत २३, २०७९ १५:०६

प्रतिक्रिया दिनुहोस्