बजेट खर्चमा डिलासैनी गाउँपालिका सन्तोषजनक, बैतडीमा पहिलो, प्रदेशमा उत्कृष्ट १०मा

प्रदेश समाचार

Home
प्रदेश समाचार
बजेट खर्चमा डिलासैनी गाउँपालिका सन्तोषजनक, बैतडीमा पहिलो, प्रदेशमा उत्कृष्ट १०मा

बजेट खर्चमा डिलासैनी गाउँपालिका सन्तोषजनक, बैतडीमा पहिलो, प्रदेशमा उत्कृष्ट १०मा

बैतडी,
स्थानीय तहमा बजेट व्यवस्थापन तथा कार्यान्वयनमा क्षेत्रमा बैतडीको डिलासैनी गाउँपालिका जिल्लाको हकमा पहिलो नम्बरमा रहेको छ भने प्रदेशको हकमा उत्कृष्ठ १० मा अटाएको छ ।
समान्य प्रशासन मन्त्रालय अन्तरगतको स्थानीय तह वित्तीय सुशासन जोखिम मूल्याङ्कनले तयार पारेको रिर्पाेटमा बैतडी जिल्लाका १० स्थानीय तहमध्ये डिलासैनी गाउँपालिकाले ६५ अंक प्राप्त गरेको छ ।
पञ्चेश्वर गाउँपालिकामा सबैभन्दा बढी मनोमानी तवरले बजेट व्यवस्थापन तथा खर्च गर्ने गरिएको पाइएको हो । एक सय अंकमा पञ्चेश्वर गाउँपालिकाले जम्मा औसत अंक २७ मात्रै प्राप्त गरेको छ ।
योजना, बजेट तथा कार्यक्रम व्यवस्थापन, कार्यान्वयन क्षमता व्यवस्थापन, लेखाङ्कन तथा प्रतिबेदन, अनुगमन, मुल्याङ्कन तथा लेखा परीक्षण र राजश्व व्यवस्थपान गरी १० ओटा बिषयक्षेत्रमा गरिएको मुल्याङ्कनमा बैतडीको हकमा सबैभन्दा उत्तम डिलासैनी गाउँपालिकामा बजेट सम्बन्धी कार्यान्वयनमा सन्तोसजनक रहेको पाइएको हो ।
समान्य प्रशासन मन्त्रालयले ‘स्थानीय तह वित्तिय सुशासन जोखिम मूल्याकंन कार्यविधि २०७७’ जारी गरेको छ । सोही अनुसार स्थानीय तहमा भइरहेको वित्तीय व्यवस्थापन तथा जोखिमका बारेमा मल्याङ्कन गर्दै आएको छ ।
स्थानीय तहको वित्तीय प्रणाली व्यवस्थित पारदर्शी, विधिसम्मत र प्रभावकारी बनाउन स्थानीय वित्त व्यवस्थापनका सम्भावित जोखिमका क्षेत्रहरू पहिचान गरी यसको लेखाजोखाको माध्यमबाट स्थानीय तहमा वित्तीय सुशासन संस्थागत गर्ने मुख्य उद्देश्य रहेको कोष तथा लेखा नियन्त्रक कार्यालय बैतडीका लेखापाल भवानी भट्टले बताए । एक सय सूचक तथा प्रश्नको आधारमा मूल्याङ्कन गरिएको सो प्रतिवेदनले स्थानीय तहमा वित्तिय व्यवस्थापन गर्न प्रेरित गर्ने उनले बताए ।

होर्नुहोस तालिका

Baitadi palika kharach1681195004.jpg