जनप्रतिनिधिले जनताप्रति उत्तरदायी बन्नुपर्छः मुख्यमन्त्री शाह

प्रदेश समाचार

Home
प्रदेश समाचार
जनप्रतिनिधिले जनताप्रति उत्तरदायी बन्नुपर्छः मुख्यमन्त्री शाह

जनप्रतिनिधिले जनताप्रति उत्तरदायी बन्नुपर्छः मुख्यमन्त्री शाह

मुख्यमन्त्री कमल बहादुर शाह

सुदूरपश्चिमका मुख्यमन्त्री कमल बहादुर शाहले जनप्रतिनिधिहरूले जनताप्रति उत्तरदायी बन्नुपर्ने बताएका छन् । मुख्यमन्त्री बनेपछि पहिलो पटक बिहिबार बैतडी पुग्नु भएका मुख्यमन्त्री शाहले स्वागत कार्यक्रमलाई सम्बोधन गर्दै जनप्रतिनिधिप्रति विश्वास टुट्दै गएमा संविधान र संघीयता प्रतिको विश्वास नै टुट्न भएकाले जनप्रतिनिधिहरूले सजह रहनुपर्ने बताएका हुन् । ‘हामि जनप्रतिनिधि हौँ, जनप्रतिनिधिले जनताप्रति उत्तरदायी हुनुपर्छ, हाम्रा बारेमा जनताहरुले प्रश्न गर्ने ठाउँ राख्नु हुदैन,’ मुख्यमन्त्री शाहले भने, ‘हामिप्रतिको विश्वास घट्दै गयो भने संविधान र संघीयताप्रतिकै विश्वास टुट्ने छ ।,’
उपलब्ध श्रोत साधानलाई पनि सही ढंगबाट परिचालन गर्नुपर्ने आजको आवश्यकता रहेको मुख्यमन्त्री शाहको भनाइ छ । ‘हामिसँग सिमित श्रोत साधान छ, भएको श्रोत साधन पनि सहिंढंगले परिचालिन गर्दिए हुन्थ्यो भन्ने सन्देश दिन आवश्यक छ ।,’ जनताको विश्वास जितेर जनतासँगै सहयात्रा गर्नुपर्ने मुख्यमन्त्री शाहको भनाइ छ ।
सुदूरपश्चिमको विकासका लागि तीनै तहको सरकारले हातेमालो गर्नु आवश्यक रहेको मुख्यमन्त्री शाहले औंल्याए ।
वडा तहबाटै छनौट भएर आएका योजनालाई प्राथमिकतामा राख्नुपर्ने पनि मुख्यमन्त्री शाहले बताएका छन् । वडाअध्यक्ष लगायत वडाका जनप्रतिनिधिहरू जनताका समस्यासँग प्रत्यक्ष जोडिने भएकाले वडाबाटै प्रक्रियागत ढंगबाट आएका योजनाहरूलाई सरकारले अघि बढाउने बताए । ‘वडालाई सक्रिय गराउनु पर्छ, जनताको प्रत्यक्ष समस्यासँग वडाका जनप्रतिनिधिहरू जोडिएका हुन्छन्, वडाबाटै प्रक्रियागत ढंगबाट योजना छनौट भएर आउनुपर्छ,’ मुख्यमन्त्री शाहले भने ।
मुख्यमन्त्री शाह बैतडीको मेलौलीमा शुक्रबार देखि शुरु हुने वृहत स्वास्थ्य शिविरको उद्घाटनका बैतडी आएका हुन् ।

प्रकाशित मिति: बिहीबार, वैशाख ७, २०८० १८:५४

प्रतिक्रिया दिनुहोस्