सुर्नयामा विद्यालय सञ्चालनमा लापरवाही, दर्जनबढी शिक्षकहरुको हाजिर काटियो

प्रदेश समाचार

Home
प्रदेश समाचार
सुर्नयामा विद्यालय सञ्चालनमा लापरवाही, दर्जनबढी शिक्षकहरुको हाजिर काटियो

सुर्नयामा विद्यालय सञ्चालनमा लापरवाही, दर्जनबढी शिक्षकहरुको हाजिर काटियो

बैतडी,
बैतडीको सुर्नया गाउँपालिकाका केहि विद्यालय सञ्चालनमा लपरवाही भएको छ । विद्यालय व्यवस्थापन समिति र शिक्षकहरुको चरम लपरवाही बढेको पाइएको हो ।
बिहिबार सुर्नया गाउँपालिकाका शिक्षा साखा प्रमुख हिमांशु भट्टको नेत्तृत्वमा गरिएको विद्यालय अनुगमनका क्रममा विद्यालय सञ्चालनमा लापरावही रहेको पाइएको हो । सुर्नया गाउँपालिका ७ मा रहेको केदार मावि कठमडामा १७ शिक्षकहरु कार्यरत रहेको भएपनि बिहिबार ११ शिक्षक अनुपस्थित रहेको पाइएको हो । यतिमात्रै होइन पढाइ समेत सञ्चालन नरगेको पाइएको छ । सबै विद्यार्थी अनुपस्थित रहेको र ११ जना शिक्षक समेत अनुपस्थित रहेको शिक्षा साखा प्रमुख भट्टले बताए । ‘सायद वर्षाको कारणले हुनुपर्छ, विद्यार्थी संख्या पनि शून्य छ, १७ जना शिक्षकमध्ये ११ जना अनुपस्थित थिए, करिब एक हप्तादेखि अनुपस्थित शिक्षकको हाजिर काटियो,’ भट्टले भने ।
अनुगमनका क्रममा अनुपस्थित रहेका शिक्षकहरुको हाजिर काटिएको छ । प्रद्यानाध्यापक धन बहादुर साउँद पनि विद्यालयमा उपस्थित रहेका थिए । तर केहिदिन देखि हाजिर नलगाएको देखिएपछि उनको समेत हाजिर काटिएको शिक्षा साखा प्रमुख भट्टले बताए ।
यसैगरी सोही वडाको भुवनेश्वर मावि पत्थरकोटमा पनि प्रद्यानाध्यापक नै अनुउपस्थित रहेको पाइएको छ । उक्त विद्यालयमा पनि हालसम्म विद्यार्थीहरुलाई पुस्तक समेत वितरण नगेको पाइएको छ । प्रद्यानाध्यापक समेत अनृपस्थित रहेको र प्रद्यानाध्यपक सहित केहि शिक्षकहरुको हाजिर काटिएको छ ।
केहि अन्य विद्यालयमा पढाइ समेत सञ्चालन भइरहेको अवस्थाका सुर्नयाका केहि विद्यालयहरुमा चरम लापरवाही देखिएको हो ।
विद्यालयमा उपस्थित नहुने शिक्षकहरुको हाजिर काटिएको उनले बताए । विद्यालयको अन्य तयारी समेत गर्न भनिएको छ । चालु शैक्षिकसत्रको कार्ययोजना लगायतका आन्तरिक तयारी समेत नभएको उनले बताए । विद्यालय व्यवस्थापन समिति र प्रद्यानाध्यापकले गम्भिरताका साथ चासो लिएर विद्यालय प्रभावकारी सञ्चालनमा ध्यान दिन निर्देशन जारी गरिएको छ ।

प्रकाशित मिति: बिहीबार, वैशाख २१, २०८० १२:२८

प्रतिक्रिया दिनुहोस्