बैतडी ।
दाुर्चुला जिल्लाको दोश्रो ठुलो सहरका रुपमा रहेको गोकुलेश्वरमा फोन सेवा र इन्टरनेट सेवा अनियमीत भएको छ ।
शैल्यसिखर नगरपालिका–९मा रहेको नेपाल टेलिकमको टारवमा विद्युतीय उपकरणको अभावका कारण बैतडी र दार्चुलाका सेवाग्राही सञ्चारबिहिन हुन पुगेका छन् ।
नेपाल टेलिकमको टावर विद्युत सेवा नियमीत भएपछि सुचारु हुने र विद्युत जाने वित्तिक्कै अवरुद्ध हुने गरेको छ । टावरमा विद्युत बेकअप नभएको स्थानियबासी बताउछन् ।
जसका कारण यस क्षेत्रमा रहेका नगरपालिका तथा सरकारी÷गैर सरकारी कार्यालयहरु, डिग्री कलेज, कृषि विज्ञान कलेज र विद्यालयहरु, बैंक तथा वित्तिय संस्थाहरु तथा सञ्चारमाध्यमहरु बढी प्रभावीत हुने गरेका छन् ।
विद्युत सेवा अवरुद्ध हुने वित्तिक्कै फोन लाईन र इन्टरनेट लाईन अवरुद्ध हुने गरेको डिलाशैनी गाउँपालिका–६का स्थानिय बिरेन्द्र नाथले बताए ।
उनले भने,‘दार्चुला र बैतडीका हजारौँ सेवाग्राहीले प्रयोग गर्ने फोन तथा इन्टरनेट सेवा एउटा टावरमा जेनेरेटर अथवा रिचार्जेवल ब्याट्री नहुदाँ यस्तो समस्या भोग्नु परेको हो । टेलिकमले चाहेमा कम लगानीमै उक्त व्यवस्था गर्न सकिन्थ्यो होला तर टेलिकमको ध्यान गएको छैन् ।’
इन्टरनेटको अभावका कारण कार्यालयका नियमीत कामकाज अवरुद्ध भएको शैल्यसिखर नगरपालिकाका कर्मचारी रामसिंह धामीले बताए । उनले भने, ‘कार्यालयमा योजनाहरुको भुक्तानी दिने देखी अन्य गर्नैपर्ने कामहरु इन्टरनेटको समस्याले गर्दा प्रभावीत भएकाछन् । कार्यालयमा आएका सेवाग्राही फर्किनुपर्ने बाध्यता छ ।’
फोन तथा इन्टरनेट सेवा अनियमीत हुदाँ यहाँ रहेका रेडियो स्टेशन, पत्रपत्रिका र अनलाईन सञ्चारमाध्यमहरुले समाचार सम्प्रेषण गर्न समस्या भएको छ । बेलाबेलामा आउने यस्तो समस्याका कारण सञ्चार क्षेत्रको सेवा प्रभावीत भएको रेडियो चौलानी टुडेका सञ्चालक रञ्जीत खत्रीको भनाई छ ।
समस्या समाधानका लागि सम्वन्धीत निकायको ध्यान नगएको स्थानिय व्यापारी कृष्ण नाथले बताए । उनले भने,‘आजको जमानामा विद्युत जाने वित्तिक्कै सञ्चार बिहिन हुनु परेको छ । विद्युत पनि बेलाबेलामा गएकै हुन्छ । जसले गर्दा सबै क्षेत्रसंग सम्बन्धीत सेवाग्राहीले मारमा परेका छौँ ।’
गोकुलेश्वर स्थीत टेलिकमको टावरमा विद्युत अवरुद्ध हुदाँ रानीसिखर र चमेलिया स्थीत २वटा टावरको समेत सेवा अवरुद्ध हुने गरेको छ । उक्त दुई टावरहरु गोकुलेश्वरकै रिपिटर भएकाले सेवा अवरुद्ध हुने गरेको नेपाल टेलिकम शाखा दार्चुलाले जनाएको छ ।
गोकुलेश्वर स्थीत टावरमा जडित ब्याट्रीहरु फेर्नुपर्ने भएकाले समस्या आएको टेलिकम शाखा दार्चुलाका प्रमुख कृष्ण गुरुङले बताए ।
उनले भने, अहिलेपनि जेनेरेटर राखेका छौँ तर प्रभावकारी भएको छैन् । अब नयाँ ब्याट्री ल्याएर जडान गछौँ र समस्या समाधन हुन्छ । १हप्तामै उक्त काम गर्ने गुरुङको भनाई छ ।
