बैतडीको पाटन नगरपालिका ४ कुडी कल्तडीमा रहेको नवदुर्गा आधारभूत विद्यालयका संस्थापकको सम्झनामा खेलकुद कार्यक्रम गरिएको छ । विद्यालय स्थापना गर्नमा योगदान पुर्याउनु भएका परिवारका सदस्यहरुले खेलकुदको आयोजना गरेका हुन् ।
स्व. कमल सिंह बिष्ट, स्व. धीर सिंह बिष्ट, स्व. शेर सिंह बिष्ट, स्व. रतन सिंह बिष्टले विद्यालय स्थापना गरेका हुन् । उनिहरुले विद्यालय स्थापना गरी यस क्षेत्रमा ठुलो गुन लगाएको स्मरण गर्दै उनका परिवारका सदस्यले खेलकुदको कार्यक्रम गरेका हुन् ।
संस्थापक बिष्ट परिवारका सदस्यहरुले म्युजिकल चेयर, चकलेट दौड, तातो आलु, इन आउट लगायतमा खेलहरु खेलाइएको थियो । सोही विद्यालयमा अध्यापनरत विद्यार्थीहरुलाई खेलकुदमा सहभागि गराइएको थियो ।
विद्यालय व्यवस्थापन समितिका अध्यक्ष एवं सस्थापक सदस्य स्व. शेर सिंह बिष्टका भतिजा पदम सिंह बिष्टको सभाध्यक्ष्तामा सम्पन्न खेलकुद कार्यक्रममा वडा नं ४ का वडा अध्यक्ष दिपक सिंह बिष्ट प्रमुख अतिथि रहनु भएको थियो ।
स्थापकहरुले यस क्षेत्रमा विद्यालय स्थापन गरेर यस क्षेत्रमा ठुलो गुन लगउनु भएको सहभागि अतिथि एवं प्रतिनिधिहरुको भनाइ रहेको थियो । संस्थापन परिवारले पनि बेलाबेला बिभिन्न बिभिन्न कार्यक्रम गर्दै आएको छ ।
