प्रेस युनियन स्थापना दिवसमा बिरामीहरुलाई फलफूल वितरण

प्रदेश समाचार

Home
प्रदेश समाचार
प्रेस युनियन स्थापना दिवसमा बिरामीहरुलाई फलफूल वितरण

प्रेस युनियन स्थापना दिवसमा बिरामीहरुलाई फलफूल वितरण

नेपाल प्रेस युनियन स्थापना दिवसको अवसर पारेर बैतडीमा बिरामीहरुलाई फलफूल वितरण गरिएको छ । नेपाल प्रेस युनियन बैतडी शाखाले जिल्ला अस्पताल बैतडीका बिरामीहरुलाई शनिबार फलफूल वितरण गरेको हो । नेपाल प्रेस युनियनको ३२ औं स्थापना दिवसको अवसरमा फलफूल वितरण गरिएको प्रेस युनियन बैतडीका अध्यक्ष भगीरथ अवस्थीले बताए ।

बिरामीहरुलाई फलफूल वितरण कार्यक्रममा प्रेस युनियनका पदाधिकारी, नेपाली कांग्रेस बैतडीका सहसचिव दिपेन्द्र चन्द,तरुण दल बैतडीका उपाध्यक्ष महेशदत्त भट्ट, नेपाल पत्रकार महासंघ बैतडीका उपाध्यक्ष नरी बडू लगायतको सहभागिता रहेको थियो ।

फलफूल वितरण कार्यक्रमका लागि दशरथचन्द नगरपालिका १ मुस्याचोरस्थित होटेल जे एमले सहयोग गरेको थियो । लोकतन्त्रवादी पत्रकारहरुको साझा संस्थाको रुपमा रहेको प्रेस युनियन स्थापना भएको ३२ बर्ष पूरा भएको अवसरमा बैतडीमा पनि स्थापना दिवस मनाइएको हो । नेपाल प्रेस युनियनले यो बर्षलाई प्रशिक्षण बर्षका रुपमा समेत घोषणा गरेको छ ।

प्रकाशित मिति: शनिबार, जेठ १३, २०८० २०:१२

प्रतिक्रिया दिनुहोस्