बैतडी ।
बैतडीको डिलाशैनी गाउँपालिका–६का वडाअध्यक्ष उत्तर बहादुर बोहरा अहिले ६२ बर्षमा टेके । उनि जनताको कामका लागि रातदिन खटिने वडाअध्यक्षका रुपमा चिनिन्छन् ।
पञ्चायत काल देखी पटक–पटक चुनाव लडेको अनुभव वडाअध्यक्ष बोहरा संग छ । उनि वि.स.२०४८, २०५४ र अहिले २०७८ मा चुनाव जितेका व्यक्ति हुन् ।
उनले अहिले चुनाव लडेकै दिनदेखी आफुले सञ्चालन गर्दै आएको पसल बन्द गरेका छन् । यस अघि समेत २०४८मा चुनाव लड्दा आफुले सञ्चालन गरेको मदिरा पसल बेचेर चुनावमा होमिदै तत्कालिन गोकुलेश्वर गाविस–६को वडाअध्यक्ष बनेका थिए ।
वडाअध्यक्षको कार्यकाल सकिएपछि केहि समय राषनको पसल थापेका उनले २०५४मा चुनाव जितेपछी उक्त पसल छोड्नु प¥यो ।
अहिले २०७८मा चुनाव लडेकै दिन देखी उनले आफ्नो पसललाई समय दिन सकेका छैनन् । पसल बन्द गरेर वडाको जिम्मेवारीमा खटिएका छन् । यसपटक बोहरा सेटिगाउँ क्याम्पस नजिकै क्यान्टीन सहितको पसल चलाइरहेका थिए ।
उनको पसल अहिले बिहान ८बजे भन्दा अगाडी र साझँ ६ बजेपछि मात्रै कहिलेकाहीँ खुल्ला हुन्छ । ‘घरमा पसल चलाउने मान्छे कोहि छैन् । आफैले खोल्नुपर्छ, आफुलाई सनिबार समेत मुस्कीलले फुर्सद हुन्छ । त्यसैले पसल खोल्ने समय मिलेको छैन् । व्यापार भन्दा जनताकै सेवामा समय बिताउन आनन्द लाग्छ ।,’ उनले भने ।
२०१८ सालमा जन्मेका बोहराले कक्षा १० सम्मको पढाई पुरा गरेका छन् । उनि ०४८ सालमा भने निर्विरोध वडाअध्यक्ष निर्वाचित भएको सुनाउछन् । उतिबेला वडाको बजेट ७ सय रुपँया मात्रै थियो । २०५४मा गाविस अध्यक्ष हुदाँ ३ लाख बजेट चलाउन पाएको र उक्त रकममा केहि स्कूलका पुर्वाधार, बाटो, मन्दीर तथा कुलो निर्माण गरेको बताउछन् ।
वडाअध्यक्ष बोहराको वडामा पहिरोको समस्या रहेको छ । उनि सहित गाउँलेका घर र जमिन पहिरोले लगिसकेको छ ।
त्यहाँबाट पहिरोका कारण १ सय बढी परिवार विस्थापीत भैसकेकाछन् । उक्त ठाउँको प्राविधिकबाट अध्ययन गराई परिपक्क तटबन्ध लगाउने उनको रहर छ । तर त्यसका लागि करोडौँ लगानी अवश्यक भएकाले गाउँपालिकाको रकमबाट सम्भव नभएको हुदा प्रदेश संघ सरकारलाई आह्वान गरेपनी उक्त काममा सफल भएका छैनन् ।
आफ्नै घर समेत पहिरोले बाङ्गो बनाइसकेको स्थानिय सुरेश श्रेष्ठ बताउछन् । उनले भने,‘हाम्रा वडाअध्यक्ष रातदिन नभनी जनसेवामा लाग्नुभएको छ, उहाँले जनताको कामका लागि आफ्नो व्यापार व्यवसाय छोड्नु भयो, तर प्रकृया मिचेर भने कहिल्यै पनि काम गर्न्नुहुन्न । उहाँको यहि बानीले जनताको मन जित्ने गर्छ ।’
