मेलौली नगरपालिका–२ मा अगुवा कृषकलाई च्याउखेती सम्बन्धी तालीम

प्रदेश समाचार

Home
प्रदेश समाचार
मेलौली नगरपालिका–२ मा अगुवा कृषकलाई च्याउखेती सम्बन्धी तालीम

मेलौली नगरपालिका–२ मा अगुवा कृषकलाई च्याउखेती सम्बन्धी तालीम

मेलौली नगरपालिका वडा न. २ मा अगुवा कृषकहरुलाई तीन दिने च्याउखेती सम्बन्धी तालीम सम्पन्न भएको छ । मेलौली नगरपालिका कृषि शाखाको प्रबिधिक सहयोग तथा मेलौली वडा न. २को आयोजनामा शुक्रबार तालीम सम्पन्न भएको प्रशिक्षक तथा नगरपालिकाका कृषि जेटिए भोजराज शर्माले जानकारी दिनुभयो ।
तालीममा च्याउ खेती कसरी गर्ने भन्ने बारेमा जानकारी गराइएको उहाँले बताए । तालीममा १० जना अगुवा कृषकहरुको सहभागीता रहेको थियो ।
मेलौली वडा नं २ का वडा अध्यक्ष कृष्ण दत्त भट्टले पछिल्लो समय जङगली जनावरले बारीमा लगाएको तरकारी सखाप पार्न थालेकाले त्यसको बिकल्पको रुपमा च्याउ खेती आकर्षक हुने बताउनुभयो । उहाले भन्नू भयो “च्याउ खेती छाना भित्र गरिने भएकाले जङ्गली जनावरको डर हुदैन, त्यसैले कृषकलाई च्याउ खेती तर्फ आकर्षित गर्न खोजिएको हो“ ।
यसक्षेत्रका लागि च्याउखेती नयाँ र निश्चित तापक्रम मिलाएर गरिने भएकाले चुनौती पनि रहेको उनले बताए ।
ब्यवसायिकरुपमा च्याउखेती गर्न सके मनग्य आम्दानी गर्नसकिने वडा सदस्य तथा तालीममा सहभागी केशव दत्त भट्टले जानकारी दिए ।

यसअघि वडाले बैशाख महिनामा अगुवा कृषकलाई दुई दिने तरकारी खेती सम्बन्धी तालीम पनि सम्पन्न गरेको थियो ।

प्रकाशित मिति: शुक्रबार, जेठ १९, २०८० १९:०४

प्रतिक्रिया दिनुहोस्