बैतडीको सुर्नया गाउँपालिका खोप केन्द्र भवन बिहिन्, सेवा प्रवाहमा समस्या

प्रदेश समाचार

Home
प्रदेश समाचार
बैतडीको सुर्नया गाउँपालिका खोप केन्द्र भवन बिहिन्, सेवा प्रवाहमा समस्या

बैतडीको सुर्नया गाउँपालिका खोप केन्द्र भवन बिहिन्, सेवा प्रवाहमा समस्या

बैतडी,
बैतडीको सुर्नया गाउँपालिकामा एउटा पनि खोप केन्द्र भवन नरहेको पाइएको छ । खोप केन्द्र भवन अभावमा सार्बजनिक ठाउँहरु, विद्यालय, चौर तथा स्थानीयहरुको घरमा जम्मा गराएर बालबालिकाहरुलाई खोप लगाउने गरिएको छ ।
खोप केन्द्र भवन नहुदा सेवा प्रवाहमा समस्या हुने गरेको सुर्नया गाउँपालिकाका स्वास्थ्य साखा प्रमुख राम सिंह महराले जानकारी दिए । गाउँघर क्लिनिकका लागि समेत भवनहरुको अभाव रहेको उनले बताए । ‘खाली चौर, विद्यालय वा कसैको घरमा कोठा लिएर खोप लगाउनुपर्ने हुन्छ,’ स्वास्थ्य साखा प्रमुख महराले भने । ‘आवश्यक संरचनाको अभावमा खोप कार्यक्रम र गाउँघर क्लिनिक सञ्चालनमा सह्रै समस्या छ,’ उनले भने ।
खोप केन्द्र भवन निर्माणका लागि आगामी आर्थिक वर्षमा गाउँपालिकाबाट आवश्यक बजेट व्यवस्थापनको लागि छलफल अघि बढाउने गाउँपालिका अध्यक्ष अमर बहादुर कुवँरले बताए । खोप केन्द्र भवनसँगै अन्य स्वास्थ्यका संरचनाको लागि प्रदेश तथा संघीय कार्यालयसँग पनि समन्वय भइरहेको उनले बताए ।
गुणस्तरीय स्वास्थ्य सेवाका लागि स्वास्थ्य क्षेत्रमा आवश्यक संरचना र उपकरणको व्यवस्थापन गर्न अपरिहार्य रहेको रहेको स्वास्थ्य कार्यालय बैतडीका प्रमुख योगेश प्रशाद भट्टले बताए । ‘सर्भसुलभ स्वास्थ्य पहुँचको लागि जनसक्ती व्यवस्थापन, उपकरण व्यवस्थापन र संरचना निर्माणमा जोडि दिन आवस्यक छ,’ प्रमुख भट्टले भने ।
बैतडीमा ३२४ वटा खोपकेन्द्र रहेका छन् । जुन यस प्रदेशकै सबैभन्दा बढी खोप केन्द्र रहेको जिल्ला हो । तर बैतडीको सुर्नया गाउँपालिकामा भने एउटा पनि खोप केन्द्र छैन ।

प्रकाशित मिति: शुक्रबार, जेठ १९, २०८० १९:१५

प्रतिक्रिया दिनुहोस्