पाटनः मेयर तथा उपमेयर कपको उपाधि पाटन भ्यालीले जित्यो

प्रदेश समाचार

Home
प्रदेश समाचार
पाटनः मेयर तथा उपमेयर कपको उपाधि पाटन भ्यालीले जित्यो

पाटनः मेयर तथा उपमेयर कपको उपाधि पाटन भ्यालीले जित्यो

बैतडी,
बैतडीको पाटनमा सम्पन्न मेयर तथा उपमेयर कप क्रिकेट प्रतियोगिताको उपाधि पाटन भ्यालीले उचालेको छ । शुक्रबार पाटन ६ स्थित कृष्ण माविको खेलमैदानमा सम्पन्न फाइनल खेलमा हिमचुलीलाई पराजित गर्दै भ्यालीले उपाधि कब्जा गरेको हो ।
टस जितेर व्याटिङ गरेको हिमचुलीले निर्धारित २० ओभरमा ७ विकेट गुमाएर १४३ रन बनाएको थियो । कप्तान सन्नी बिष्टको ५२ रनको योगदान गरे । भ्यालीका किरन चन्दले २ विकेट लिए ।
१४४ रनको मध्यम लक्ष पछ्याएको भ्यालीले १७.१ ओभरमा ५ विकेट गुमाएर लक्ष भेट्टायो । भ्यालीका धिरेन्द्र चन्दले ५५ रनको अर्धसतकीय पारी खेलेका थिए भने किरन चन्दले ४५ रनको योगदान गरेका थिए । भ्यालीका किरन चन्द म्यान अफ द फाइनल चुनिए । उनले फाइनल खेलमा ४ ओभर बलिङ गरेर २६ रन खर्चर्दै महत्वपूर्ण २ विकेट समेत लिएका थिए ।
उपाधी कब्जा गरेको भ्यालीले १५ हजार नगदसहित ट्रफी, मेडल र प्रमाणपत्र प्राप्त गरेको छ । उपबिजेता बनेको हिमचुलीले ९ हजार नगदसहित ट्रफी मेडल र प्रमाणपत्र प्राप्त गरेको छ ।
प्रतियोगिताभर उत्कृष्ट प्रदर्शन गरेका हिमचुलीका विकास बिष्ट म्यान अफ द सिरिज चुनिए । हिमचुलीकै सन्नी बिष्ट उत्कृष्ट ब्याट्सम्यान चुनिए ।
यसैगरी सेमीफाइनल र फइनलमा महत्वपूर्ण भूमिका खेलेका भ्यालीका धिरेन्द्र चन्द उत्कृष्ट बलर चुनिए ।
यसैगरी प्रतियोगितामा इमरजिङ प्लेयर हिमचुलीका स्वयम बिष्ट चुनिए ।
जेठ १२ गतेदेखि सुरु भएको मेयर तथा उपमेयर क्रिकेट प्रतियोगितामा १५ टिमको सहभागिता रहेको थियो ।
आज एक औपचारिक कार्यक्रमकाबीच पाटन नगरपालिकाका नगर प्रमुख गौरी सिंह रावलले ट्रफीसहित प्रमाणपत्र हस्तान्त्रण गरेका थिए ।

प्रकाशित मिति: शुक्रबार, जेठ १९, २०८० १९:४४

प्रतिक्रिया दिनुहोस्