पाटन नगरपालिकाले गर्यो ‘भर्चुअल’ मार्फत सुझाव संकलन

प्रदेश समाचार

Home
प्रदेश समाचार
पाटन नगरपालिकाले गर्यो ‘भर्चुअल’ मार्फत सुझाव संकलन

पाटन नगरपालिकाले गर्यो ‘भर्चुअल’ मार्फत सुझाव संकलन

बैतडीको पाटन नगरपालिकाले आगामी आर्थिक वर्षको नीति तथा कार्यक्रमका बारेमा सुझाव संकलन गरेको छ । सोमबार नगरपालिकाले रोजगारी संगै अन्य कामले बाहिर रहेका व्यक्तिहरूबाट अनलाइन जुम मिटिङ मार्फत आगामी आर्थिक २०८०÷०८१ को नीति तथा कार्यक्रममा बारेमा सुझाव संकलन गरेको हो । गत वर्षपनि नगरपालिकाले भर्चुअल मार्फत निती तथा कार्यक्रमका बारेमा सुझाव संकलन गरेको थियो ।
अधिकांशले कृषि र शिक्षाको क्षेत्रमा लगानी बढाउनुपर्ने सुझाव आएका नगर उपप्रमुख कमल सिंह बोहराले बताए । कृषि क्षेत्रमा लगानी बढाएर कृषिजन्य वस्तुहरूको बजारीकरणमा सहयोग पुग्ने खालका कार्यक्रमलाई प्राथमिकता दिनुपर्ने अधिकांशको सुझाव रहेको बोहरा जानकारी दिए । सहभागीहरूले शिक्षाको गुणात्मक विकासको लागि पनि सुझाव सल्लाह दिएका थिए ।

यस्तै अव्यवस्थित रुपमा फालिने सिसाजन्य बस्तुहरूले ग्रामीण बस्ती तथा बजार क्षेत्र कुरूप बन्दै गएकाले व्यवस्थापनका लागि आवश्यक निती अवलम्बन गर्नुपर्नेमा उनीहरूले जोड दिएका उनले बताए ।

संकलित सुझावलाई आगामी आर्थिकको नीति तथा कार्यक्रम समेटेर अघि बढ्ने नगरपालिकाले जनाएको छ । ‘निती तथा कार्यक्रममा समेट्न कै लागि उनीहरूका सुझाव संकलन गरेका हौँ’ नगरप्रमुख गौरी सिंह रावलले भने ‘ उहाँहरूले महत्वपूर्ण सुझावहरू दिनुभएको छ, बजेटले भ्याउने जति कार्यक्रमहरूलाई अवश्य पनि समेटेर अघि बढ्छौ ।’

पाटन सहित बैतडीका पुर्चाैडी र मेलौली नगरपालिकाले पनि आगामी आर्थिक बर्ष २०८०÷०८१ को नीति तथा कार्यक्रमका लागि नगरबासीलाई आवश्यक सल्लाह उपलब्ध गराउन आग्रह गरेका छन् । पुर्चाैडीले जेठ ३० गते नीति तथा कार्यक्रमका लागि सुझाव पठाउन भनेको छ । यस्तै मेलौली नगरपालिकाले जेठ २७ गते सम्म आफ्ना सल्लाह सुझावहरु पठाउन आग्रह गरेको छ ।

प्रकाशित मिति: सोमबार, जेठ २२, २०८० १३:४०

प्रतिक्रिया दिनुहोस्