पाटन नगरपालिकाको दोश्रो नगरसभा सम्पन्न

प्रदेश समाचार

Home
प्रदेश समाचार
पाटन नगरपालिकाको दोश्रो नगरसभा सम्पन्न

पाटन नगरपालिकाको दोश्रो नगरसभा सम्पन्न

बैतडी ।
बैतडीको पाटन नगरपालिकाले दोश्रो नगरसभा सम्पन्न गरेको छ । हिजो कार्यपालिकाले गरेको निर्णय अनुसार आज दोश्रो नगरसभा गरिएको हो । १बर्ष अघि पहिलो नगरसभा गरिएकोमा ढिलो गरि दोश्रो सभा आयोजना गरिएको नगरप्रमुख गौरी सिंह रावलले बताए ।

गत पुष महिनामै हुनुपर्ने नगरसभा ढिलो सञ्चालन भएको प्रति नगरसमा सदस्यहरुले विमती जनाएकाछन् । बर्षमा २पटक हुनुपर्ने नगरसभा एकपटक मात्रै आयोजना हुदाँ समस्या देखिएको पाटन ३का वडासदस्य भिमदत्त भट्टले बताए । ढिलो नगरसभा हुदँ आफुहरुका दर्जनौँ जिज्ञासाहरु सम्वोधन नभएको उनले बताए ।

नगरसभाका सदस्यहरुले नगरपालिकाका शाखागत कामकाज तथा विकास निर्माणका विषयमा जिज्ञासा राखेकाछन् ।

कार्यपालिका सदस्य रमेश कोलीले लक्षित बर्गको बजेट कार्यान्वयन नभएको भन्दै असन्तुष्टी व्यक्त गगरे । उनले महिला र दलितलाई आरक्षण कोटामा सिमित राखिएको तर अधिकार नदिएको बताए । लक्षित वर्गका लागि न्यून बजेट छुट्टयाउनु र त्यो पनि कार्यान्वयन नहुनु दुखद भएको बताए ।

नगरप्रमुख रावलले आगामी बर्ष देखी लक्षित वर्गका योजनाहरुलाई प्राथमिकतामा राख्ने प्रतिवद्धता व्यक्त गरे ।

नगरपालिका भित्र विकास निर्माणमा ठेकेदारले गरेको लापरवाहिका बिषयमा रावलले पटक पटक ताकेता गर्दा समेत काम नगर्ने ठेकेदारलाई कारवाही गर्ने बताए ।

नगरसभा सदस्यहरुले बिषयगत शाखा तथा समितिहरुलाई गरेकोमा प्रश्नहरुको सम्बन्धीत शाखा प्रमुखले जवाफ दिएकाछन् । अहिले सम्म भएका कमजोरीहरुलाई सुधार गरेर अघि बढ्ने नगर उपप्रमुख कमलसिंह बोहराले बताए । नगरका सबै आयोजनाहरुको उचित ढंगले अनुगमन गरेपछि मात्रै भुक्तानीका लागि सिफारिस गरिरहेको उनको दावी छ । नगरका सबै निर्माण आयोजनाहरु मजवुद बनाउने अभियानमा लागेको उनले बताए ।

प्रकाशित मिति: बुधबार, जेठ २४, २०८० १८:२७

प्रतिक्रिया दिनुहोस्