जिवन रक्षा केन्द्र द्वारा पाटन–८ ज्यापुका ५१ घरपरिवारलाई ड्रम वितरण

प्रदेश समाचार

Home
प्रदेश समाचार
जिवन रक्षा केन्द्र द्वारा पाटन–८ ज्यापुका ५१ घरपरिवारलाई ड्रम वितरण

जिवन रक्षा केन्द्र द्वारा पाटन–८ ज्यापुका ५१ घरपरिवारलाई ड्रम वितरण

बैतडीको पाटन नगरपालिका-८ ज्यापुका ५१ घरपरिवारलाई ड्रम वितरण गरिएको छ । जीवन रक्षा केन्द्रद्वारा सर्वाङ्गीण विकास कार्यक्रम अन्तर्गत उनीहरूलाई ड्रम वितरण गरिएको हो । स्थानीयहरूको स्वस्थ खानपान र तरकारी खेतीतर्फ आकर्षण बढाउन ड्रम वितरण जीवन रक्षा कार्यक्रमका संयोजक राज मन्डालले जानकारी दिए ।

पानीको अभाव तथा भएको पानी पनि त्यसै खेर गइरहेकाले स्थानीयहरुलाई हरियो सागपातका लागि पानी जम्मा पार्न सहज होस भन्ने उद्देश्यले ड्रम वितरण गरिएको उनले बताए । जीवन रक्षा कार्यक्रम अन्तर्गत पाटन नगरपालिकाका ६ ओटा सामुदायिक विद्यालयमा दिवा खाजा कार्यक्रम सञ्चालनमा छ । जनप्रिय आधारभुत विद्यालयमा अध्ययनरत विद्यार्थीका अभिभावकहरुलाई ड्रम वितरण गरिएको हो ।

विद्यालय बिदाको दिन पनि बालबालिकाहरूको पोषिलो खानेकुरा पनि कमी नहोस् र पोषणमा सुधारका लागि पाँच सय लिटरका ड्रम वितरण गरिएको मन्डालले जानकारी दिए । सो ड्रम वितरण कार्यक्रममा वडा नम्बर ८ का वडाअध्यक्ष हरिष बिष्टको पनि सहभागिता रहेको थियो ।

प्रकाशित मिति: बिहीबार, जेठ २५, २०८० १३:३६

प्रतिक्रिया दिनुहोस्