सुदूरपश्चिम प्रदेशको उद्योग पर्यटन बन तथा बातारवरण मन्त्रालय अन्तर्गतको डिभिजन वन कार्यालय बैतडी मार्फत सञ्चालीत योजनाहरुको अनुगमन गरिएको छ । जिल्लाको सुर्नया गाउँपालिका, पाटन र मेलौली नगरपालिकामा सो मन्त्रालय अन्तर्गत निर्माण भैरहेका मन्दिर तथा मन्दिर सम्म पुग्ने पदमार्ग, घेरपर्खाल, गेट, धर्मशाला लगायतको योजनाहरुको अनुगमन गरिएको हो ।
प्रमुख जिल्ला अधिकारी सुरेश पन्थीको नेतृत्वको अनुगमन टोलीले पाटनका विभिन्न ठाउँमा मन्त्रालयको बजेट मार्फत सञ्चालीत योजनाहरुको अनुगमन गरीएको डिभिजन वन कार्यालय बैतडीका प्रमुख भीमप्रशाद कडेँलले जानकारी दिए । यस्तै मेलौली नगरपालिका २ अन्तर्गतका भूमीराज मन्दिरको पदमार्ग निमार्ण, मन्दिरको प्लाष्टर तथा शिवनाथ मन्दिरको ध्वनि घर निर्माणको कामको अनुगमन गरीएको उनले बताए । मेलौली १ कै मेलौली देही पार्कको गेट घेरपर्खालको पनि अनुगमन गरिएको छ ।
यस्तै सुर्नया गाउँपालिका वडा नम्बर २ को बासुदेव मन्दिर न्वालो मर्फत योजनाको सौचालय निर्माण, न्वालो मर्मत, प्रतिक्षालय निर्माणको कामको पनि अनुगमन गरिएको कडेँलले बताए । लक्षुली जी पिजास मन्दिरको घेरबार निर्माण लगायतको अनुगमन गरिएको हो ।
केही योजना बाहेक अन्य योजनाहरुको काम स्टमेट अनुसार नै सञ्चालन भैरहेको जनाइएको छ ।
अनुगमनमा प्रमुख जिल्ला अधिकारी पन्थी सहित जिल्ला समन्वय समिति प्रमुख खगेन्द्र सिंह धामी, डिएपी प्रेम बहादुर शाही, हनुमान ध्वज गुल्मका गुल्मपति सेनानी प्रल्हाद थापा, सशस्त्र प्रहरी बल नम्बर ५१ हेडक्वाटर बैतडीका सशस्त्र प्रहरी नायव उपरीक्षक गंगादत्त पन्त सहितको टोलीले अनुगमन गरेको प्रमुख कडेँलले बताउनुभयो ।
