पुर्चाैडीमा किटजन्य रोग नियन्त्रणका लागि अभिमुखिकरण

प्रदेश समाचार

Home
प्रदेश समाचार
पुर्चाैडीमा किटजन्य रोग नियन्त्रणका लागि अभिमुखिकरण

पुर्चाैडीमा किटजन्य रोग नियन्त्रणका लागि अभिमुखिकरण

हरि साउँद, बैतडी,
किटजन्य रोग नियन्त्रणको लागि गाउँस्तरसम्म नै सचेतना जगाउन सरोकारवाला प्रतिनिधि एकजुट भएका छन् । पुर्चाैडी नगरपालिकाको स्वास्थ्य साखाले आयोजना गरेको किटजन्य रोग नियन्त्रणको लागि एक दिने अभिमुखिकरण कार्यक्रमका सहभागिहरुले सो कुरामा जोड दिएका हुन् । लामखुट्टेको टोकाइबाट सर्ने रोगहरुको बारेमा आम नागरीकहरुमा सचेतना फैलाउने र लामखुट्टेलाई हुर्कन नदिने उपायका बारेमा सर्बसाधराणलाई सचेतना फैलाउने विषयमा सारोकारवाला निकाय एकमत भएका हुन् ।
कार्यक्रममा सहभागि जनप्रतिनिधि, स्वास्थ्यका कर्मचारी र सरोकारवाला प्रतिनिधिहरु सहभागी थिए । उनिहरुले गाउँस्तरसम्म नै किटजन्य रोगको बारेमा सचेत गराउने बताएका हुन् ।
घर वरपर तथा वातावरणको सरसफाई गर्ने र घर नजिकै पानी जम्न नदिने लगायतका समान्य सावधानी अपनाएमा लामखुट्टेले प्रवेश नगर्ने स्वास्थ्यकर्मीहरुले बताएका हुन् ।
लामखुट्टेको टोकाइबाट डेङ्गी, मलेरिया जस्ता रोगहरुको संक्रमण हुने गर्दछ ।

No description available.
उक्त अभिमुखिकरण कार्यक्रममा पुर्चाैडी नगरपालिकाका नगर प्रमुख दीपक बहादुर बम, प्रमुख प्रशासकीय अधिकृत भानुभक्त भट्ट, इलाका प्रशासन कार्यालयका प्रमुख नन्दराज पन्त, पुरघाट प्रहरी चौकीका प्रमुख मोती सिंह बम, नगरपालिका मातहतका स्वास्थ्य संस्थाका प्रतिनिधिहरुको सहभागिता रहेको थियो ।