बैतडी ।
बैतडी सदरमुकामको वडा दशरथचन्द नगरपालिका–४ जर्ग स्थीत भीटा भीरको बाटो निर्माण गरिएको छ ।
३ गाउँका बासिन्दाले दैनिक नियमीत सदरमुकाम जाने उक्त बाटोबाट लडेर केहि सयम अघि ३ जनाले ज्यान गुमाएका थिए । अहिले उक्त बाटो निर्माण भएपछि स्थानियबासीलाई सहज भएको छ ।
बाटो निर्माणमा दशरथचन्द नगरपालिकाले १०लाख रकम खर्चिएको हो ।
जर्ग स्थीत भिटा भीरको बाटोबाट ६ महिना अघि मात्रै एक स्थानियबासीको लडेर ज्यान गएको थियो । यसैगरी ५बर्ष अघि एक भरियाको ज्यान गएकोमा १५बर्ष अघि एक कर्मचारीको कार्यालय जादैँ गर्दा लडेर ज्यान गएको थियो ।
यसअघि समेत केहि स्थानियबासीले बाटोबाटै लडेर ज्यान गुमाएको बुढापाका बताउछन् ।
जिल्ला सदरमुकामकै वडामा यस्तो समस्या भएपछि दशरथचन्द नगरपालिका बाटो बनाउन अग्रसर भएको थियो । वडाअध्यक्ष भानदेव भट्टले चुनावका बखत समेत बाटो बनाउने प्रतिवद्धता गरेका थिए । नगर प्रमुख पुष्करराज जोशी लख्खाभाईले अहिले बाटो अधुरै रहेपनि आगामी बर्षमा पुर्णता दिइने बताए ।
३ सय ५० मिटर लम्बाई रहेको अप्ठ्यारो भीरको बाटोको अहिले करिव सवा २ सय मिटरमा रेलिङ लगाइएको छ ।
अझै १सय ५०मिटरमा रेलिङ लगाएर बाटो पिसिसि गर्न बाँकी रहेको छ । नयाँ योजना आए मात्रै बाटो निर्माण कार्य पुरा गर्न सकिने निर्माण व्यवसायी खेमराज पाण्डेयले बताए । आफ्नो निर्माण कम्पनीलाई पाइएको ठेक्का अनुसार परिपक्क काम गरेको उनको भनाई छ ।
उक्त बाटोमा १सय बढी विद्यार्थीहरु दैनिक यात्रा गर्दछन् । जर्ग गाउँ तरकारी उत्पादनको प्रसिद्ध क्षेत्र भएकाले दैनिक तरकारी बोक्ने दर्जन बढी भरिया यात्रा गर्दछन् । यसैगरी कर्मचारी र बजारबाट सामान खरिद गर्ने स्थानियबासी यसै बाटोमा यात्रा गर्ने भएपनि बाटो निकै जोखिम पुर्ण थियो । उक्त बाटोमा राती समेत यात्रा गरिने भएकाले पिसिसि गरेर सोलारबत्ती समेत जडान गर्ने योजना रहेको वडा सदस्य देवराम लोहारले बताए ।
बाटो जोखीमपुर्ण भएकाले बालबालिकाका अविभावकहरु समेत विद्यार्थी संगै स्कूल जानुपर्ने बाध्यता छ ।
