बैतडीका नरेन भट्टको सानदार शतकमा नेपालको विशाल योगफल

प्रदेश समाचार

Home
प्रदेश समाचार
बैतडीका नरेन भट्टको सानदार शतकमा नेपालको विशाल योगफल

बैतडीका नरेन भट्टको सानदार शतकमा नेपालको विशाल योगफल

Naren Bhatta

बैतडी,– शीर्षक्रमका ब्याटर बैतडीका नरेन भट्टको सानदार शतकमा नेपालले एसिसी यू(१६ इस्ट जोन कपको फाइनल खेलमा घरेलु टोली मलेसियालाई २ सय ५३ रनको विशाल लक्ष्य दिएको छ । बायोमास ओभल मैदानमा टस जितेर पहिला ब्याटिङ रोजेको नेपालले निर्धारित ३५ ओभरमा ८विकेट गुमाउँदै २ सय ५२ रन बनायो ।

नेपालका नरेन भट्ट ८९ बलमा १० चौका र २ छक्कासहित १ सय १२ रनको सानदार अविजित शतकीय इनिङ खेले । उनले ८२ बलमा शतक पूरा गरेका थिए । उनी जारी प्रतियोगितामा शतक हान्ने पहिलो नेपाली खेलाडी बनेका छन् ।

नेपालका ओपनर निरज यादव ४९ बलमा ६ चौकासहित ४७ रनमा आउट भए । निरज मोहम्मद फथुल मुइनको बलमा एलबीडब्लू आउट भएका हुन् । दोस्रो विकेटका लागि निरज र नरेन भट्टले ५५ बलमा ५५ रनको साझेदारी गरेका थिए ।

नेपाललाई ओपनर सुर्यांशु कोइराला र निरज कुमारले पहिलो विकेटका लागि ७।२ ओभरमा ४१ रन बनाउँदै राम्रो सुरुवात दिलाएका थिए । सुर्यांशु तीव्र गतिका बलर एरिन अकिलको बलमा ठूलो सट खेल्ने धुनमा टप एज लागेर हम्जा पांगीबाट समातिन पुगे । सुर्यांशुले २३ बलमा २ चौकासहित १८ रन बनाए । सन्तोष यादव २९, अशोक धामी ११ र दिपु कुमार ५ रनमा आउट भए ।

मलेसियाका मोहम्मद अक्रमले ७ ओभरमा ४५ रन खर्चेर ३ विकेट लिए ।

यसपछिको समाचार: मलेसियालाई ३१ रनमा अल आउट गर्दै नेपाल च्याम्पियन

प्रकाशित मिति: मंगलबार, असार १९, २०८० १०:०८

प्रतिक्रिया दिनुहोस्