बैतडीमा बस दुर्घटना अपडेट १जनाको मृत्यु

प्रदेश समाचार

बैतडी ।
बैतडीको मेलौलीमा बस दुर्घटना हुँदा एक जनाको मृत्यु भएको छ । मृत्यु हुनेमा पञ्चेश्वर गाउँपालिका ६का उमेश भण्डारी रहेकाछन् ।

दुर्घटनामा ३९ जना घाइते रहेको बैतडीका डिएसपी प्रेम बहादुर शाहीले बताउनुभयो ।

पञ्चेश्वर गाउँपालिका–३ कुलाउदेखि महेन्द्रनगरका लागि छुटेको लु २ ख २०११ नम्बरको बस मेलौली नगरपालिका–७ स्वाखानीमा दुर्घटना भएको हो ।

बस दिउँसो १ बजे दुर्घटना भई सडकबाट ४सय मिटर तल खसेको बताइएको छ । दुर्घटनाका बिषयमा थप जानकारी आउन बाँकी रहेको छ ।

घटना स्थलमा इलाका प्रहरी कार्यालय पाटनका निरीक्षक कमलप्रसाद चौधरीको कमाण्डमा टोली खटिएको छ ।

दुर्घटनामा परी घाइते भएका ३९ जनाको उद्धार गरी केशरपुर प्राथमिक स्वास्थ्य केन्द्र मेलौलीमा पुर्याइसकिएको जिल्ला प्रहरी कार्यालयका शाहीले बताउनुभयो ।

बस सडकबाट अन्दाजी डेढ सय मिटर तल खसेर रुखमा अड्किएको छ । बसमा कतिजना सवार थिए भन्ने कुरा अझै एकीन हुन बाँकी छ ।

प्रकाशित मिति: सोमबार, असार २५, २०८० १४:२८

प्रतिक्रिया दिनुहोस्

थप प्रदेश समाचार

लोकप्रीय

यो पनि