बैतडी ।
बैतडीका साहत्यकार कर्ण दयाल “सोराडी” लेखन क्षेत्रमा सकृय छन् । पछिल्लो समय आधा दर्जन बढी साहित्यीक कृतिहरु बजारमा ल्याइसकेका दयाल बेलाबेलामा सम्मानीत तथा पुरुस्कृत भएका खबरहरु आइरहन्छन् ।
विगत लामो समय देखी राजनितीमा सक्रिय उनि अहिले लेखन पेषालाई पहिलो प्राथमिकतामा राखेर अघि बढिरहेकाछन् । उनका लेख, रचनाहरुमा सामाजिक, राजनितिक बिषयबस्तु समेटिएका हुन्छन् । केहि समय अघि मात्रै भारतको पिथौरागडमा पुरुस्कृत भएका दयाल २१० औं भानुजयन्तीको अवसरमा सुदूरपश्चिम प्रज्ञा–प्रतिष्ठानले आयोजना गरेको साहित्यिक एबम् सांस्कृतिक उत्सवमा नगद सहित पुरुस्कृत भएका हुन् । यो पुरुस्कार सहित उनले २७ओटा पुरुस्कार तथा सम्मान प्राप्त गरेका छन् ।
यस पटक प्रज्ञा प्रादेशिक प्रतिभा पुरस्कार २०७९ बाट सुपका चार स्रष्टालाई सम्मानित गरिएको छ । पचहत्तर हजार नगदसहित पुरस्कृत हुनेमा संगीत तथा नाट्य तर्फ वरिष्ठ चलचित्रकर्मी उदयसिंह बोहरा (अछाम), ललितकला तर्फ प्राज्ञ ताराप्रसाद ओझा(डोटी), लोकसंस्कृति तर्फ डेउडा गायक एबम् संस्कृतिकर्मी सुरत रावत डोटेली कान्छा (कैलाली) र साहित्य तर्फ कवि सृजन श्री (कञ्चनपुर) रहेका छन् ।
यसैगरि प्रादेशिक प्रतिभा सम्मानबाट नगद पन्ध्र हजारबाट सम्मानित हुनेमा कवि कर्ण दयाल “सोराडी” (बैतडी), थारू गायक मनिराम चौधरी (कैलाली) र विमला शाह साउँद(अछाम) रहेका छन् ।
समारोहमा कैलाली जनपुस्तकालय धनगढीले प्रदान गर्ने जसुन्धरा राष्ट्रिय छन्द पुरस्कारबाट छन्दनायक माधब बियोगी (पोखरा), ईश्वरी पार्वती– मुडभरी सामाजिक अभियन्ता राष्ट्रिय पुरस्कारबाट लोकराज पाण्डेय आगो(अत्तरिया) ,शिब– बीमा जेहन्दार छात्रबृत्ति पुरस्कारबाट प्रदीप जोशी (धनगढी), र साबित्री– कमल राष्ट्रिय लोक संस्कृति पुरस्कारबाट उप प्रा.डा.देवेन्द्र भट्ट( अछाम) सम्मानित भएका छन् ।
सदुरपश्चिम प्रज्ञा प्रतिष्ठानका ऊपकुलपति संस्कृतिविद् डा.टीएन जोशीको सभापतित्वमा भएको भव्य समारोहमा प्रमुख अतिथि माननीय सामाजिक विकास मन्त्री झपट बहादुर साउँद, डीआइजी भरत बोहरा, शिक्षाविद् प्राडा हेमराज पन्त, ईश्वरीय विश्वविद्यालय धनगढीकी प्रमुख सञ्चालिका ब्रम्हाकुमारी हीराज्यू, वरिष्ठ कवि मनिराज जोशी, प्राज्ञ वासुदेव पाण्डेय, सुप कला प्रतिष्ठानका अध्यक्ष अम्बिका आचार्यज्यू कैलाली जनपुस्तकालयका सचिब टंक जोशीज्यू, प्राध्यापकहरू,पत्रकार, लेखक, साहित्यकारहरू, राष्ट्रिय कलाकारहरूको उपस्थिति थियो ।
